Оның айтуынша, бүгінгі таңда Қазақстанда гидрометеорологиялық мониторинг 377 гидрологиялық бекетте жүргізілуде.
«Дүниежүзілік метеорологиялық ұйымның ұсыныстарына сәйкес ел аумағындағы бақылау желісі бүгінгі жағдайдан үлкен болуы тиіс. Осыған байланысты біз бекеттер саны бойынша көрсеткішті 2025 жылға қарай 550 бірлікке дейін жеткізу үшін кешенді шаралар қабылдау жоспарын әзірледік», - деп атап өтті Қазгидромет басшысының орынбасары.
Сонымен қатар, Серік Саиров ағымдағы жылдың 1 ақпанындағы жағдай бойынша республика өзендерінің бассейндеріндегі гидрометеорологиялық жағдай бойынша алдын ала деректерді де атап өтті. Осылайша, еліміздің барлық аумағында қар қорының көлемі көпжылдық орташа мәндерден аз екені атап өтілді.
«Қазақстанда 8 өзен су шаруашылығы бассейні бар. Олардың әрқайсысы бойынша ұқсас жағдай қалыптасады – қар қорының көлемі нормадан аз алынды. Бұл жағдайлар алдағы жылы көптеген өзендер үшін су аз болатындығын көрсетеді. Әсіресе Алматы, Жамбыл, Түркістан, Қызылорда, Ақтөбе, Атырау және Батыс Қазақстан облыстарында» - деді спикер.
Сонымен қатар, Серік Саировтың айтуынша қазіргі уақытта гидрологиялық болжаудың қолданыстағы әдістерін жетілдіру бойынша шаралар қабылдануда.
«Су тасқыны кезінде өзен режимін болжау маңызды және күрделі міндет болып табылады. Сондықтан біз 2020 жылы басшылыққа алатын құжаттарды, мысалы гидрологиялық болжамдарды жасау ережелерін, Қазақстан өзендерінің көктемгі су тасқыны ағынын болжау жөніндегі нұсқаулықты, жазық өзендердің көктемгі су тасқыны ағынының көлемін болжау жөніндегі әдістемелік жазбаларды әзірлеп, жетілдірдік. Әзірленген әдістемелер су ресурстары саласындағы жетекші ғалымдар мен мамандардың оң пікірлерін алды», - деп атап өтті ол.
Қазгидромет бақылау желісінің деректерін пайдаланудан басқа, көктемгі су тасқыны кезеңіндегі ағын көлемдерін болжау үшін ауа райының орташа-шұғыл болжамдарының еуропалық орталығының спутниктік деректері, swim және HBV-light сандық модельдері де қолданылады.
«2021-2022 жылдарға арналған жоспарда – HBV 6.4 Швед моделінің жаңа нұсқасын Қазақстанның жағдайына бейімдеу», - деп хабарлады Серік Саиров.
Қазгидромет басшысының орынбасары еліміздің шағын өзендерінің проблемаларын зерттеу мәселесі бойынша кәсіпорын қазіргі жағдайды егжей-тегжейлі зерттеу үшін Жем және Ойыл шағын өзендеріне экспедициялар жоспарлап отырғанын атап өтті.
«21 ақпанда оқиға орнында алғашқы тексеру жоспарланған, содан кейін ауа-райы жақсарған соң, егжей-тегжейлі талдау жүргізу үшін осы өзендерге тағы бір экспедиция ұйымдастырылады. Осындай тәжірибені еліміздің басқа да шағын өзендерінде жүзеге асыруды жоспарлап отырмыз», - деп түйіндеді ол.
