Өткен жылғы әлеуметтік-экономикалық даму қорытындылары туралы деректі фильмде айтылған деректер бойынша КВИ бойынша санитарлық-эпидемиологиялық жағдайдың тұрақтануы Алматы экономикасының базалық салаларында өсуді қамтамасыз етуге мүмкіндік берді. Мысалы, өнеркәсіптің 4,6% - ға өсуі қамтамасыз етілді, құрылыс жұмыстарының көлемі 10,6% - ға ұлғайды, тұрғын үйді пайдалануға беру-14,2% - ға, байланыс қызметтерінің көлемі 8,2% - ға өсті.
«Біз теріс (кері) сценарийді іске асыруға жол бермедік және іс жүзінде барлық экономикалық көрсеткіштерді арттырдық. Біз саудадағы, тасымалдаудағы және қоймаларда сақтаудағы құлдыраудың экономиканың басқа салаларындағы өсіммен өтелуіне қол жеткіздік. Сонымен қатар, біз жаңа перспективалы секторларды – цифрландыру мен смарт-индустрияны, креативті экономика мен туризмді дамытуға серпін бере алдық», - деп атап өтті Б.Сағынтаев.
Өткен жылы Алматыда 2,4 млн шаршы метрден астам тұрғын үй пайдалануға берілді. Негізгі капиталға салынған инвестициялар көлемі нақты көлемнің 17,2% - ға өсуімен 971,2 млрд теңгеге жетті. 76,3 мың жаңа жұмыс орны құрылды, оның ішінде мемлекеттік бағдарламалар бойынша – 46,3 мың. Ағымдағы жылы 50 мыңға жуық жұмыс орнын құру жоспарлануда. Әлеуметтік қолдауға ерекше көңіл бөлінбек. 28 мыңға жуық мүмкіндігі шектеулі адам оңалтумен және әлеуметтік қызметтермен қамтамасыз етіледі.
