Кино • 24 Ақпан, 2021

Қазақ телевизиясының қарлығашы

312 рет
көрсетілді
2 мин
оқу үшін

Қазақ телевизиясының қарлығашы Зұлқия Жұматова 101 жасқа толды. Ғибратты ғұмыры талайға үлгі болған тағылымды тұлғаның туған күніне орай Алматы музейінде арнайы көрме ашылды.

Қазақ телевизиясының қарлығашы

Әдемі үнімен, келісті кел­бетімен көрермен көңілінің көк­жиегінен көрінген ол қазақ теледидарындағы тұң­ғыш диктор ретінде тарихта қалды. Бүгінде телевизия сала­сының үлкен-кішісі Зұл­қия Мұқанқызын «қазақ диктор­ларының анасы» ретінде таниды. Алматы телестудиясы алғаш ашылған 1958 жылы 750 үміткердің ішінен суырылып шығып, қазақ тілінде хабар таратқан талапты жас жемісті жылдарын көрерменіне арнады.

Көрмеге диктордың өмір белес­терінен сыр шертетін тарихи фотосуреттер, архивтік құ­жат­тармен қатар, З.Жұматова жа­йында түсірілген хабарлар мен жазылған материалдар топтастырылған. Әсі­ресе, туған күн иесінің әйгілі дик­­торлар Юрий Левитан, Нелли Ан­дреевамен бірге түс­кен ес­телік суреттері көр­ме қабыр­ғасынан ерекше орын алған. Іс-шараның ашылу салтанатына зиялы қауым өкілдерімен бірге Зұлқия Мұқанқызының өзі де келді. Көңілі алтын сан­­­дықтай абыз ана өткен күн­­дердің әсерлі есте­лігімен  бөлісті.

– Біздің кезеңмен бүгінгі күнді салыстыруға келмейді. Эфир­де бізді ауыстыратын адам болған жоқ. Айтарымызды бір парақ қағазға жазып алып шы­ғатын едік. Өзімізді экраннан көре де алмайтынбыз, барлық хабарлар тікелей эфирде өте­тін. Жұмысымызға асқан жа­уап­кершілікпен қарадық. Сол қиын кезеңдерде жүріп ысыл­дық. Телевизия – шығар­ма­шы­лық топтың еңбегін қа­жет ете­тін ұжымдық жұмыс. Терең ізденістер жасадық, көп ең­бек­тен­дік. Мұхтар Әуезов сияқ­ты заңғар тұлғалардан сұх­бат алу бақыты бұйырды. Ол кісі­­мен ди­дарласқаным әлі есім­де. Ха­бар аяқталғаннан кейін Мұхаң «Асылкеш» деп менің қолым­нан сүйді. «Асы­лыңыз­ды түсіндім, кеш деге­­ніңізді түсін­бедім», деп Мұхаңа қара­дым. Ол кісі болса жайдары үнмен: «Асылкеш дегенім, асыл жан деген сөз. Сендер асыл жан­сың­дар» деп күлімсірей қа­рады. Біз­дің қазақшаны қай­мақтап сөй­легенімізге, қазақ­ша хабарлар ашылғанына жазу­шының қатты қуанғанын бай­қадым. Ол күн­дер­дің бар­лығы менің көз алдымда әлі күнге дейін дәл бүгінгідей жаң­­­ғырып тұр, – дейді Зұлқия Жұ­матова.

 

АЛМАТЫ