Қоғам • 01 Наурыз, 2021

Тыйым салынған заттарды колония аумағына кіргізбек болған алматылық кәсіпкер ұсталды

401 рет
көрсетілді
1 мин
оқу үшін

Алматы облысында колония аумағына тыйым салынған заттарды кіргізбек болған кәсіпкер ұсталды, деп хабарлайды Egemen.kz Polisia.kz сайтына сілтеме жасап.

Тыйым салынған заттарды колония аумағына кіргізбек болған алматылық кәсіпкер ұсталды

Алматы облысының ЛА-155/14 мекемесіне аталған колонияның аумағында жұмыс істейтін жеке кәсіпкер тыйым салынған заттарды алып өтуге тырысқан.

Мекеме аумағында орналасқан, сотталғандарға жұмыс орындарын ұсынатын кәсіпорынға арналған құрылыс материалдарын жеткізу кезінде кәсіпкер ағаштардың арасында тыйым салынған заттарды тығып алып, оларды мекеме аумағында сотталғандардың пайдалануы үшін өткізбек болды.

Алайда, режим бөлімінің тексеру тобының жедел уәкілі Азат Сыдықовтың қырағылығының арқасында және “Лорнет” құрылғысының көмегімен мекемеге 32 ұялы телефон, 30 қуаттау құрылғысы мен 16 құлаққапты кіргізу дерегінің жолы кесілді.

 – Аталған факт бойынша мекемеге процессуалдық шешім қабылдау үшін Қапшағай қаласының жедел-тергеу тобы шақырылды, – деп атап өтті мекеме бастығы Руслан Ғабибов.