Жаңа жылдан тек жақсылық күтетін жұртшылық мереке жақындаған сайын оған дайындығын да үдете түседі. Бұл мерекенің, әсіресе, балалар үшін орны ерекше. Осы тұрғыда бүлдіршіндердің қуаныштарын еселей түсуде қазақ баспасөзінің қара шаңырағы «Егемен Қазақстан» газеті редакциясы да шет қалмады. Кеше ұжым қызметкерлерінің балаларына арналған Жаңа жылдық шырша мерекесі олардың көңілдерін көкке көтерді.
Жаңа жылдан тек жақсылық күтетін жұртшылық мереке жақындаған сайын оған дайындығын да үдете түседі. Бұл мерекенің, әсіресе, балалар үшін орны ерекше. Осы тұрғыда бүлдіршіндердің қуаныштарын еселей түсуде қазақ баспасөзінің қара шаңырағы «Егемен Қазақстан» газеті редакциясы да шет қалмады. Кеше ұжым қызметкерлерінің балаларына арналған Жаңа жылдық шырша мерекесі олардың көңілдерін көкке көтерді.
«Ең баянды бақыт – бала бақыты. Дүниеде баланың қуанғанынан артық қуаныш болмайды. Сондықтан да бүгінгі шара сендерге арналады. Ойнаңдар, билеңдер, күліңдер, ботақандар!» деді жасыл шырша маңайына жиналғандар алдында «Егемен Қазақстан» газетінің басшысы Сауытбек Абдрахманов.
Аяз Ата мен Қаршақызбен бірге шыршаны шыр көбелек айналған балдырғандар ән, тақпақ айтып, олардан сыйлықтар алып, мәз болысты. Сондай-ақ, балаларымен келген ата-аналар қуанышында да шек болмады. «Бүгінгі өткізіліп жатқан жасыл шырша шынында да балаларды ерекше көңіл-күйге бөлеуде. Ұжымның қай кезде де балаларды аялауға зор маңыз беретіні бізді де қуантады. Мен осымен бұл шыршаға жетінші жыл келіп отырмын», дейді «Егемен Қазақстанның» келіні, үш баланың анасы Зүлфия Әсембаева.
Мерекелік шара соңында балалар ұжымның дайындаған бағалы сыйлықтарын алып, арнайы дайындалған дастарқаннан дәм татты.
Әбдірахман ҚЫДЫРБЕК,
«Егемен Қазақстан».
