Облыстағы жасотандықтардың қатарлары биыл 2260 белсенді жаспен толықты. Бүгінде облыстық бөлімшеде 92 бастауыш ұйым жұмыс жасайды. Бұлардың қатарында студенттер, ауыл жастары, өз ісін жаңа бастаған жас кәсіпкерлер, колледж оқушылары, жұмысшы жастар бар. Барлығы 10 мыңға жуық жасотандық белсенді жігерлі күшке айналды.
Облыстағы жасотандықтардың қатарлары биыл 2260 белсенді жаспен толықты. Бүгінде облыстық бөлімшеде 92 бастауыш ұйым жұмыс жасайды. Бұлардың қатарында студенттер, ауыл жастары, өз ісін жаңа бастаған жас кәсіпкерлер, колледж оқушылары, жұмысшы жастар бар. Барлығы 10 мыңға жуық жасотандық белсенді жігерлі күшке айналды.
Олар жастарға саламатты өмір салтын насихаттап, спортпен шұғылдануға, сыбайлас жемқорлыққа көз жұма қарамауға шақырады. Соғыс ардагерлері мен тыл еңбеккерлеріне, жалғызбасты зейнеткерлерге көмек көрсетеді. Жасотандықтар облыс орталығындағы мүгедек балаларға арналған «Самал» оңалту орталығы мен қарттар үйіне қамқорлық жасайды. Сонымен қатар, «Қамқорлық» еріктілер жасақтары мен полицияның қоғамдық көмекшілері қатарында жұмыс атқарады. Бұл күндері өңірде «Дипломмен – ауылға!», «Жастар тәжірибесі», «Жасыл ел» бағдарламалары жүзеге асырылып келеді.
«Жас Отан» жастар қанатының басты міндеті – жастар кәсіпкерлігін қолдау. Мысалы, биыл Астанада өткен «Атамекен Startup» бизнес-идеялар байқауына 200-ден астам жас қатысты. Және де «Бизнестің жол картасы-2020» бағдарламасы бойынша іске асырылып жатқан 453 жобаның ішіндегі 45 бизнес-идеяны жастар атқару үстінде. Есік қағып тұрған жылқы жылы жасотандықтар «Сәтті қадам» жобасы бойынша кәсіпорындарға, «Жастар – ауылға!» атты жоба бойынша ауыл жастарының ортасына барады.
Фарида БЫҚАЙ,
«Егемен Қазақстан».
Павлодар облысы.
