Аймақтар • 05 Наурыз, 2021

Нұр-Сұлтанда 2021 жылы тақырыптық саябақтар пайда болады

9 рет көрсетілді

Нұр-Сұлтан әкімдігі қаланы көгалдандыруға ерекше көңіл бөліп келеді. Елордада жаңа жасыл аумақтар мен жұртты баурап алатын орындар пайда болады.

Биыл медицина қызметкерлеріне, мұғалімдерге, құтқарушыларға арналған тақырыптық саябақтар мен скверлер ашу және абаттандыру жоспарлануда. Пандемияның алғашқы күнінен бастап олар вируспен күресуде алдыңғы қатарда жүріп, елдің дамуына және коронавирустың таралу қаупін азайтуға үлкен үлес қосып келеді.

Осылайша, "Қазақстанға арналған ағаштар" жобасы аясында "Қоғамдық маңызы бар бастамаларды дамыту қоры" қоғамдық бірлестігі мен бизнес қоғамдастықтың қатысуымен медицина қызметкерлерінің саябағын көгалдандыруға өз үлесін қосады. Сондай-ақ trees4kz.com платформасы арқылы "Ustaz Alany" жобасын жүзеге асырады.

Экологияны жақсарту және қала тұрғындарының уақытын көңілді өткізуіне қолайлы орындар ашу үшін биыл елорданың барлық ауданында ауқымды көгалдандыру тұжырымдамасы жалғасатын болады. Осылайша Қазақ елі алаңында, Бейбітшілік және келісім сарайының, Оқушылар сарайының, вокзалдың, әуежайдың, СОО-лардың, тұрақ кеңістігінің және т.б. аумақтарда ағаштар отырғызу жоспарланып отыр. Бұдан басқа, "Астана Балет" маңындағы аумақта – жасыл бақ, "Астана Опера" аумағында – емен бағын, ал Триатлон паркте – мамыргүл бағын орнату жоспарланып отыр.

Сондай-ақ, қалада аулалар мен қоғамдық кеңістікті абаттандыру жұмыстары жалғасатын болады. 2020 жылдың өзінде елорда әкімдігі 76 гектар аумақты абаттандырды. Бұл - 60 қоғамдық кеңістік (саябақтар, бульварлар, скверлер) және 150-ден астам аула.

Соңғы жаңалықтар

Тілеулі батырдың қанжары

Руханият • Бүгін, 08:30

Тұқымбақтағы тындырымды іс

Аймақтар • Бүгін, 08:22

Бірлігі жарасқан елміз

Пікір • Бүгін, 08:10

Қазақ кітабының күні қажет

Қоғам • Бүгін, 07:57

«Болашақтың» ғалымдары

Ғылым • Бүгін, 07:42

Арынғазы

Руханият • Бүгін, 07:32

2020: Музейге қанша адам барды?

Руханият • Бүгін, 07:29

Елданаға ел риза

Спорт • Кеше

Жұмекеннің «Балаусасы»

Руханият • Кеше

Ұқсас жаңалықтар