«ССЕР» компаниясы баспасөз қызметінің мәліметінше,қызметтік автобустар Теңіз вахталық қалашығындағы тұраққа сағат 19:00-де келіп, жолаушылар түсірілгеннен кейін қозғалысты тоқтатқан. Тұраққа қойылған автобустардың бірінің мотор бөлігінен өрт шыққан өртті «ССЕР» компаниясының сигнал беруші қызметкері байқап қалыпты.
«Алғашқы қызметтік тексеру көрсеткендей, сигнал беруші артқы жақта тұрған автобустардың бірінің қозғалтқыш бөлігінен шыққан түтінді байқаған. Нұсқаулыққа сәйкес, ол дереу кезекшіге хабарлаған. Оқиға орнына «ССЕР»компаниясының өрт сөндіру командасы, сондай-ақ, «Теңізшевройл» компаниясының өртке және апатқа қарсы құрамының (ПАС) қызметкерлері мен үш арнайы техникасы жедел жетті» деп мәлім етті компанияның баспасөз қызметі.
Алайда, қатты соққан желдің екпінімен өрт жақын маңдағы автобустарға тез тараған. Соның салдарынан бес автобус бүлінген.
«Өрт сөндірілгеннен кейін оқиға орны қоқыстардан тазартылды. Компания қызметкерлері штаттық режимде жұмыс істеді. Сарапшылардың пікірінше, өрттің тұтануына автобустың мотор бөлігіндегі электр сымдарының қысқа тұйықталуы себеп болған. Өрттің нақты себебін «ССЕР»компаниясынан жедел құрылған жұмысшы комиссиясы «Теңізшевройл» және мемлекеттік органдардыңөкілдерімен бірлесіп анықтады» деп ақпарат таратты компанияның баспасөз қызметі.
Компанияның қызметтік автобустары рейске шығар алдында күн сайын, сондай-ақ, «Теңізшевройл» компаниясының талабына сәйкес, белгіленген мерзімдеміндетті техникалық байқаудан өткені белгілі болып отыр.
