Тағайындау • 09 Наурыз, 2021

Маңғыстау облысы әкімінің орынбасары тағайындалды

843 рет көрсетілді

Президент әкімшілігінің келісімімен, Маңғыстау облысы әкімінің өкімімен Маңғыстау облысы әкімінің орынбасары қызметіне Бекбол Тілеумұратұлы Орынбасаров тағайындалды, деп хабарлайды Egemen.kz.

Бекбол Тілеумұратұлы 1971 жылы Маңғыстау облысында туған. Білімі жоғары. 1993 жылы әл-Фараби атындағы Қазақ мемлекеттік ұлттық университетінде, 1998 жылы – Ш.Есенов атындағы Ақтау университетінде, 2011 жылы Е. Бөкетов атындағы Қарағанды мемлекеттік университетінде білім алған.

Еңбек жолын Маңғыстау облысының кеден басқармасының «Баутино» кеден постының инспекторы қызметінен бастаған. Мұнай, банк, салық, қаржы секторында түрлі қызметтерді атқарған. Кейінгі жылдары Ақтау қаласының әкімдігінде еңбек етті.

2006 жылы Ақтау қаласы әкімінің орынбасары, 2008 жылы Қазақстан Республикасының экономика және бюджеттік жоспарлау министрлігінде басқарма басшысы қызметтерін атқарды.

2019 жылдан осы күнге дейін «Ақтау теңіз порты» арнайы экономикалық аймақ» АҚ басқарма төрағасы болды. Бекбол Тілеумұратұлы облыстағы энергетика, жер, табиғатты пайдалану, төтенше жағдайлар, ауыл шаруашылығы және ветеринария салаларына жетекшілік етеді.

Соңғы жаңалықтар

6 өңір «жасыл» аймақта тұр

Коронавирус • Кеше

Депутатты пышақтап кетті

Әлем • 15 Қазан, 2021

Шетелдік вакциналар ақылы болады

Коронавирус • 15 Қазан, 2021

Қазақстанда ревакцинация қалай өтеді?

Коронавирус • 15 Қазан, 2021

Ұқсас жаңалықтар