Білім • 11 Наурыз, 2021

Асхат Аймағамбетов колледждерде оқу мерзімі қысқаратынын айтты

46 рет көрсетілді

Бүгін Үкімет отырысында Білім және ғылым министрі Асхат Аймағамбетов колледждерде оқу мерзімі қысқартылатынын мәлімдеді, деп хабарлайды Egemen.kz

«Техникалық және кәсіптік білім беру саласында барлық жасқа қажетті мамандықтар бойынша колледждерде тегін оқуға мүмкіндік беріледі. 2017 жылдан бері тегін техникалық білім берумен қамту ұлғайды. Бірақ әлі де 50 мыңға жуық студент ақылы бөлімге оқуға түседі. Осыған орай 2025 жылға дейін жастарды кезең-кезеңмен 100%-ға дейін техникалық біліммен қамту жоспарлануда. Ол үшін мемлекеттік тапсырыс көлемі 50 мыңға дейін кезең-кезеңмен ұлғаятын болады», деді министр.

Асхат Аймағамбетовтың айтуынша, колледждерге академиялық дербестікті енгізу бойынша жұмыс қолға алынды. Бүгінгі күні заңнамалық деңгейде уәкілетті органның колледждерде оқу мерзімдерін белгілеуі туралы норма алып тасталды.

«9-сынып негізінде колледжге түскендер үшін оқу мерзімін үш жарым жылдан 2 жылға дейін және 11-сынып негізінде екі жарым жылдан 1,5 жылға дейін қысқарту жоспарлануда. Бұл нарыққа кадрларды даярлау мерзімін қысқартып, оның сапасын арттырып, білім бағдарламаларын жаңартуға мүмкіндік береді», деді Асхат Аймағамбетов.

Білім министрі «Жас маман» жобасы аясында 180 колледждің инфрақұрылымын жаңғырту биыл аяқталатынын айтты.

«Жобаның қорытындысы бойынша әрбір өңірде дамыған материалдық-техникалық базасы, жаңа оқу жоспарлары мен бағдарламалары бар кемінде 7 заманауи колледж жұмыс істейтін болады. Жергілікті атқарушы органдармен бірлесіп, колледждерді сенімгерлік басқару тетігін дамытудамыз. Осы жұмыс әрі қарай жалғасады», деді министр.

Соңғы жаңалықтар

Жеті өңір «жасыл» аймақта

Қазақстан • Бүгін, 09:08

1459 адам коронавирустан жазылып шықты

Коронавирус • Бүгін, 09:04

1642 адамнан коронавирус анықталды

Коронавирус • Бүгін, 09:00

Өрт сөндіру бекеті ашылды

Аймақтар • Бүгін, 08:50

Спорт жаңалықтарына шолу

Спорт • Бүгін, 08:49

Басқа басылымдарға шолу

Әлем • Бүгін, 08:32

Алаш аманатына адал жан

Қазақстан • Бүгін, 08:21

Ұқсас жаңалықтар