Аймақтар • 12 Наурыз, 2021

Атыраудың «Сағыз» командасы Сочиде өнер көрсетеді

1734 рет көрсетілді

Атырау облысының «Сағыз» командасы КВН халықаралық одағының президенті Александр Масляковтан шақырту алып, Сочи қаласына аттанды, деп хабарлайды Egemen.kz

Аталған команданың бес мүшесі Сочиде 11-22 наурызда «КиВиН-2021» көңілді тапқырлар клубы командаларының 32-ші халықаралық фестивалінде өнер көрсетеді. Командаға  облыс әкімдігі мен жергілікті кәсіпкер демеушілік көмек көрсетті.

«Бізде аздаған қобалжу бар. Өйткені, алғаш рет орыс тілінде өнер көрсетеміз. Дегенмен, біздің команда 12 жылдан бері өнер көрсетіп, біраз тәжірибе жинады. Ресейлік көңілді тапқырлар клубында өнер көрсету әр команда мүшелерінің арманы ғой. Бұл – біздің бесінші талпынысымыз. Бұған дейін қаржының жоқтығынан Ресейге бара алмап едік», дейді «Сағыз» командасының капитаны Ернар Сакупов.

Оның айтуынша, команда мүшелерінің дені Қызылқоға ауданындағы Сағыз ауылының жастарынан құралыпты. Олар әзіл-сықақ шоу-бағдарламаларының бірнеше дүркін жеңімпазы атанды. Сондай-ақ «Көңілді тапқырлар алаңы» жастар жобасының чемпионы болған еді. Команда мүшелері енді Краснодар өңірлік лигасына, сонан соң Ресейдің бірінші лигасына кіруді жоспарлап отыр.

Соңғы жаңалықтар

Ақыл алыбы

Руханият • Кеше

Шығыстанудың биік шынары

Әйел әлемі • Кеше

Бейқамдық белең алып тұр

Коронавирус • Кеше

Үлкен қалада адасу

Руханият • Кеше

Ұқсас жаңалықтар