Экономика • 16 Наурыз, 2021

Jusan Bank пен АТФБанк қосылады

76 рет көрсетілді

Jusan Bank пен АТФБанктің акционерлерінің бірлескен жалпы жиналысында АТФБанктің Jusan Bank-ке қосылуы туралы шешім қабылданды. Бұл туралы Jusan Bank-тің ресми сайтында жарияланды, деп хабарлайды Egemen.kz.

Қосылу нәтижесінде Jusan Bank активтер мен капитал көлемі бойынша Қазақстанның ең ірі банктерінің үштігіне кіреді. Осылайша, бірігу аяқталғаннан кейін Jusan Bank активтерінің көлемі шамамен 3 трлн теңгені құрайды.

«Біз қаржылық позициялары берік және цифрлық сервистері аса ыңғайлы сенімді әрі заманауи банк құрып жатырмыз. Клиенттік базаларды біріктірудің және алдыңғы қатарлы заманауи технологияларды енгізудің арқасында біз біріккеннен кейін 10%-дан көп құрайтын нарықтағы өз үлесіміздің одан әрі қарқынды өсетініне сенімдіміз», деп атап өтті Jusan Bank Директорлар кеңесінің төрағасы Шигео Катсу. 

Jusan Bank бүкіл еліміз бойынша 1,1 мың бірліктен асатын ең ірі банкоматтар желісін және 180-нен астам бөлімшелерді қамтитын болады. АТФБанктің Jusan Bank-ке қосылу үдерісін ағымдағы жылдың соңына дейін аяқтау жоспарланып отыр.

«Біз жеке тұлға клиенттер, сондай-ақ шағын және орта бизнес үшін банктік өнімдерді дамытудамыз. Барлық клиенттерге кредит беру, тауарларды бөліп төлеумен сатып алу, сондай-ақ қаражат жинау және өз жинақ қаражатын инвестициялау бойынша бірегей өнімдер ұсынылатын болады. Біздің сервисіміздің ерекшелігі – барлық өнімдерді мобильді және интернет арналары арқылы онлайн алу. Біз АТФБанктің барлық клиенттеріне «қош келдіңіздер» дегіміз келеді және олар Jusan цифрлық экожүйесінің барлық артықшылықтарына өзінің жоғары бағасын береді деген сенімдеміз», деп бөлісті Jusan Bank басқарма төрағасы Айбек Қайып.

АТФБанктің Jusan Bank-ке қосылуына рұқсат алу туралы барлық тиісті құжаттар заңнамада белгіленген мерзімде Қазақстан Республикасы қаржы нарықтарын реттеу және дамыту агенттігіне жіберілетін болады.

«Біз алдағы бірігу процесстерінің әрбір клиентіміз үшін барынша жайлы өтуі үшін бар күшімізді саламыз. Екі банктің бірігуі барысында АТФБанктің барлық бөлімшелері мен сервистері Jusan Bank-ке қызмет көрсетуге толық көшкенге дейін қалыпты режимде жұмысын жалғастыратын болады», деп атап өтті АТФБанк басқарма төрағасы Галия Маханова.

Соңғы жаңалықтар

Ақыл алыбы

Руханият • Кеше

Шығыстанудың биік шынары

Әйел әлемі • Кеше

Бейқамдық белең алып тұр

Коронавирус • Кеше

Үлкен қалада адасу

Руханият • Кеше

Ұқсас жаңалықтар