Экономика • 17 Наурыз, 2021

Бірлескен кәсіпорындар ашудың берері көп

30 рет көрсетілді

Бішкекте Сауда және интеграция министрі Бақыт Сұлтановтың төрағалығымен қазақстандық үкіметтік делегация екі елдің тауарларды өткізу жүйелерін синхрондау туралы келіссөздер жүргізді.

Коллажды жасаған Қонысбай ШЕЖІМБАЙ, «ЕQ»

Б.Сұлтанов Қырғыз Респу­б­ли­­ка­сының Вице-премьері – Эко­номика және қаржы ми­нистрі Улукбек Кармышаков­пен және Ауыл, су ресурстары және өңір­лік даму министрі Асқар­­бек Джаны­бековпен, Көлік, сәу­лет, құрылыс және комму­ника­ция министрі Гүл­нар Әбдір­алиева­мен, Энерге­тика және өнер­кә­сіп министрі Кубанычбек Турду­баевпен тауарларды өткізу жүйелерін біріктіру перспективаларын талқылады.

«Бұл біздің мемлекет­тері­міз­дің азық-түлік қауіпсіз­дігін қам­­та­масыз етіп қана қоймай, соны­­­мен қатар екі елдің экспорт­тық әле­уетін айтар­лықтай кеңей­туге мүм­кіндік береді», деді Б.Сұлтанов.

Атап айтқанда, Сауда ми­нистр­­лігінің басшысы өткізу жүйе­­лерін синхрондау Қазақ­стан мен Қырғызстаннан Ресей нары­ғына тауарлар ағынын жеңіл­дететінін жеткізді. «Ұлт­тық та­сымалдау жүйесі жұмы­сы­­ның бірыңғай ережелері және бір­ыңғай стандарттардың өзара әрекеттесуін қамтамасыз ету біз­дің тауарларымызды Ресей на­рығына жеткізуде» тар дәліздерді «болдырмау­ға, жеткізілімдегі үзілістер­ді болдырмауға, сондай-ақ мау­сымаралық кезеңде өз на­рық­­тарымызды қанықтыруға мүм­­­кіндік береді», деді.

Сонымен қатар, қазақстан­дық бизнес Қырғызстанның та­уар өткізу жүйесінің инфра­құры­лымын құруға қызығу­шы­лық білдірді. Екі ел арасындағы сау­­да-экономикалық ынты­мақ­тас­тықтың кеңеюіне сүт және ауыл­шаруашылық өнімдерін қайта өң­деу саласындағы өн­дірістік ынты­мақ­тастық ық­пал етеді. Б.Сұл­танов болашақ бірлескен сауда-логистикалық орталық тұжырым­дамасын қайта қарауды ұсынды.

«Біз өнімдерді сақтай­тын орын ретінде Тауар логис­­­ти­ка­­лық орталығының  функ­цио­­нал­­­дығымен шекте­ліп қал­май, ауылшаруашылық өнім­­дерін, мысалы көкөніс­тер мен же­міс­терді, макарон өнім­­д­ерін өң­дейтін бірлес­кен кәсіп­­­орын­дар ашу­ды пысық­тауды ұсы­на­мыз. Жеңіл өнер­кәсіп­тегі бір­лес­­кен жобалар­дың бола­­шағы бар. Мұндай бір­лес­кен кәсіп­орын­­дар бізге үшінші елдер­дің нарық­тарына бірлесіп қол жет­кізуге мүмкіндік береді», деді қазақ­стандық делегация басшысы.

Сонымен бірге, Қазақстан мен Қырғызстанға ветеринарлық және фитосанитарлық шара­лар бойынша ынтымақтастық­­ты жалғастыру қажет. Жануар­лар ауруларының таралмауын бақы­лау және карантиндік объек­тілермен бірлесіп жұмыс істеу экспорттық нарықтарға қол жеткізуді едәуір жеңілдетеді. Нұр-Сұлтан қаласы техникалық регла­менттердің талаптарына сәйкес келмейтін жалған ауыл­­шаруа­­шылық өнімдерімен күре­су үшін күш біріктіруге дайын.

Екі елдің агроөнеркәсіптік кешенін ойдағыдай дамыту үшін транс­ше­каралық өзендердің су ресурстарын ұтымды пайдалануды қамтамасыз ету қажет.

Б.Сұлтанов алдағы вегета­циялық кезеңде бекітілген кестеге сәйкес мемлекетаралық пайдаланылатын су шаруашылығы нысандарына су жеткізілетініне сенім білдірді.

Сонымен қатар, ол қыр­ғыз тарапын биылғы 2 наурыз­да Қырғыз Республикасы Прези­дентінің Қазақстанға ресми сапары кезінде қол қойылған электр энергиясын айырбас­тау туралы хаттаманың талап­тарын орындауға шақырды. Осы хаттама екі мемлекет ара­сын­­дағы су-энергетикалық ын­ты­мақ­тастықты нығайтуды көздейді.

Энергетика және өнер­кәсіп ми­нистр­лігінде өткен ке­ліссөз­дер барысында қазақ­стандық деле­­гация Қырғыз­стан­дағы қазақ­стан­дық инвес­тициялардың мүд­де­лерін қорғау тақырыбын көтер­ді. Тарап­тар арнайы құрыл­ған жұ­мыс тобы аясында барлық проб­лемалық мәселені шешу бойынша Жол картасын әзір­леуге келісті.

 

Соңғы жаңалықтар

Ақыл алыбы

Руханият • Кеше

Шығыстанудың биік шынары

Әйел әлемі • Кеше

Бейқамдық белең алып тұр

Коронавирус • Кеше

Үлкен қалада адасу

Руханият • Кеше

Ұқсас жаңалықтар