Аймақтар • 17 Наурыз, 2021

Алматыға газбен жүретін жаңа 37 автобус әкелінді

211 рет
көрсетілді
1 мин
оқу үшін

Алматының экологиялық ахуалы жұртшылықты көптен алаңдатқан мәселе. Ауа кеңістігіне көліктерден шығатын көк түтіннің зияны туралы экологтар жалықпай айтып келеді. Осыған сәйкес коммуналды және қоғамдық көліктерді жоспарлы түрде экологиялық таза отындарға көшірудің маңызы зор.

Алматыға газбен жүретін жаңа 37 автобус әкелінді

Басты мақсат – қаланың экологиясын жақсарту және жолаушыларды тасымалдаудың сапасын арттыру. Қалаға келген жаңа автобустар партиясының бөлігін тұрғындар жаңартуды және күшейтуді өтінген 34 бағыт бойынша жүргізу жоспарланып отыр.

Бүгінгі күні автобустар техникалық байқаудан өтіп, құжаттары рәсімделуде. Олар 20 наурыздан бастап тұрғындарға қызмет көрсетеді.

Ұзындығы 12 метр болатын су жаңа автобустардың сыйымдылығы 90 адамдық, үш есігі бар, оның біреуінде мүмкіндігі шектеулі жандар үшін арнайы платформа қарастырылған. Автобустар автоматты бейнебақылау жүйелерімен, жолаушылар санын есептейтін және жүргізушілердің шаршағанын бақылайтын датчиктермен жабдықталған.

Еске салсақ, жаңадан қослыған көліктерді есептегенде қала бағыттарында газбен жүретін 389 автобус қызмет көрсететін болады.