Оның сәрсенбі күні Дар-эс-Саламе емханасында жүрек асқынуларынан көз жұмғанын мемлекеттік телеарнадан Самия Сулуху Хасан хабарлады.
Сонымен қатар, оппозициялық саясаткерлер өткен аптада президенттің Covid-19 инфекциясын жұқтырғанын айтты, алайда бұл ақпарат расталмады.
Айта кетейік, Магуфули Африкадағы ең танымал коронавирус скептиктерінің бірі болды және вируспен күресу үшін дұға және шөп-бу терапиясын ұсынды.
«Бүгін өкінішке қарай біз батыл көшбасшымыздан, Танзания Республикасының президенті Джон Помбе Магуфулиден айырылдық», деді вице-президент Хасан мәлімдемесінде.
Оның айтуынша, елде 14 күндік ұлттық аза тұту жарияланды және жалаулар жартылай түсірілетін болады.
