Әдебиет • 01 Сәуір, 2021

Жамбыл мен Мұқағали шығармалары ұлықталды

41 рет көрсетілді

Ел Тәуелсіздігінің 30 жылдығына орай Ұлттық акаде­миялық кітапхана Қазақстан – Шве­ция Корольдігіндегі елшілігімен бірлесіп, қазақ поэзиясының көрнекті тұлғалары Жамбыл Жабаевтың 175 жылдығы мен Мұқағали Мақатаевтың 90 жылдығына арналған «Ұлт мақтаныштары» атты онлайн форматта халықаралық дөңгелек үстел өткізді.

Қазақстан мен Шве­ция Ко­роль­­дігінің шығар­ма­­шы­лық зия­лы қауым өкіл­де­рін бірік­тірген іс-ша­ра жыр алыбы Жам­был Жабаев пен ақиық ақын Мұқа­ғали Мақатаевтың әлем­дік әдебиет пен мә­де­ниетке қосқан үлесін зерт­­­теу және олардың өмірі мен шығармашылығының ас­пектілерін зерде­леу мақ­сатында ұйымдас­тырылды.

Әдеби жиынға Қазақстан – Швеция Ко­роль­дігіндегі Төтенше және өкі­летті елшісі Сергей Нұр­таев, Швециядағы қа­зақстандық жастар қауым­дастығының өкіл­дері Ре­гина Шепетя-Ларссон, Ди­нара Сабденова, ҰҒА академигі Уәлихан Қалижанұлы, Ұлт­­тық академиялық кі­­тап­хана басшысы Үмітхан Мұңалбаева, филология ғы­лым­дарының докторы, ақын Бауыржан Жақып, фи­ло­ло­гия ғылымдарының док­торы Светлана Ананьева қа­тысты.

Екі елдің шығармашылық интеллигенция өкілдерінің басын қосқан шараның рухани һәм әдеби маңызы зор екенін атап өткен Қазақстан Республикасының Швеция Корольдігіндегі Тө­тен­ше және өкілетті елшісі Сергей Нұр­таев: «Мемлекет басшы­сы Қасым-Жомарт Тоқаев «Тә­­уелсіздік – бәрінен қым­­бат» мақаласында Нау­рыз мерекесін тойлауда тұжырымдамалық тәсіл­дер­дің маңыздылығына тоқ­­талды. Яғни Наурыз қар­саңындағы әр іс-ша­ра ха­лықтың мәдени-ру­хани үлесі үшін түрлі ма­ңызға ие болуы керек. Ұл­ты­мыздың импрови­затор ақыны Жамбыл Жабаев пен Мұқағали Мақатаев қа­­зақ рухания­тына ора­сан зор еңбек сіңірді. Бү­гінгі жас­тардың осындай көр­некті ақындардың шы­ғар­машылығына қы­зығып, құр­мет көрсетіп жат­қанына өте қуаныштымын. Сон­дай-ақ жас авторларға жаңа тыныс, жаңа табыс тілеймін», деді.

Ал Уә­лихан Қалижанұлы Жам­­былдың жеке тұлғасына тоқ­талып, ақынның ұлттық брендке айналатынын айтты. «Жамбыл – ақыл-ойдың алғыры, өзгеге ұқсамайтын дара, оқшау бет-бейнесі аса зор құбылыс. Ол эпик ақын, айтыс ақыны әрі аза­мат­тық өлеңдердің ақыны. Ұлы­ны ұлы ғана таниды: Әуезов мо­йындаған, Сейфуллин бас иген, Сәбит Мұқанов ардақтаған, Роллан сәлем салған. Тарих доңғалағы кері кетпейді. Тәуелсіз Қа­зақстанда Жамбыл бабамыз ұлттық брендке айнала береді. Жамбыл поэ­зиясы – шыншыл поэзия. Өмірді өлеңмен өрнектеген ақын қазақ тұрмысының, қазақ қоғамының әділетсіз болмысын әшкерелеген өлеңдері оның атын шығарды», деді ол.

Соңғы жаңалықтар

Ардагерлер азайып бара жатыр...

Қазақстан • 07 Мамыр, 2021

Елбасы және Қазақстан армиясы

Елбасы • 07 Мамыр, 2021

Бублик Карцевті қапы қалдырды

Теннис • 07 Мамыр, 2021

Мереке күндер жаңбырлы болады

Ауа райы • 07 Мамыр, 2021

Футбол: «Челси» финалға шықты

Футбол • 07 Мамыр, 2021

Амманға аттанды

Спорт • 07 Мамыр, 2021

Қазанда күш сынасуда

Спорт • 07 Мамыр, 2021

Өзекті мәселелерге назар аударылды

Парламент • 07 Мамыр, 2021

Шет елдегі қазақ генералдары

Қазақстан • 07 Мамыр, 2021

Ұқсас жаңалықтар