Медицина • 02 Сәуір, 2021

Алматы әкімі қалада дәрі-дәрмектердің жеткілікті екеніне сендіріп отыр

328 рет
көрсетілді
1 мин
оқу үшін

Мегаполисте дәрілік заттармен қамтамасыз ету мәселесі ерекше бақылауда. Бұл туралы Алматы қаласының әкімі Бақытжан Сағынтаев бұқаралық ақпарат құралдарына арналған онлайн-баспасөз конференциясында мәлімдеді, деп хабарлайды Egemen.kz

Алматы әкімі қалада дәрі-дәрмектердің жеткілікті екеніне сендіріп отыр

Бүгінде антикоидты дәрі-дәрмектерді тұрақтандыру қорында 19,4 миллионнан астам дәрі-дәрмек бар, оның ішінде 2,4 миллион антибиотик, 335 мың антикоагулянт, 2,5 миллион ацетилсалицил қышқылы, 78 мың дәрумен, 568 мың гормоналды препарат, 4, 15 миллион антипиретик, 9 миллион медициналық құрал – шприцтер, инфузиялық жүйелер, 180 мың вирусқа қарсы препарат және 300 мыңнан астам басқа дәрілер, бұл екі айлық қордан едәуір артық.

Сонымен қатар дәріхана желілері өз қоймаларында дәрі-дәрмектердің едәуір қорын құрды және сұраныстың 20%-ға дейін маусымдық аз ғана өскенін атап өтті. Бетперде жеткілікті. Күн сайын 749 мың бетперде шығарылады, жеткізушілердің қоймаларында 33 миллионнан астам бетперде бар.

Бұрындары Б.Сағынтаев ҚР фармацевтикалық қызметті қолдау және дамыту қауымдастығының өкілдерімен, ірі дистрибьюторларымен және Алматыдағы дәріханалар желілерімен дәрі-дәрмекпен қамтамасыз ету жағдайы туралы кеңес өткізген еді. Бүгінде қаладағы барлық дәріханаларда коронавирус инфекциясын емдейтін сұранысқа ие дәрі-дәрмектер бар.

Соңғы жаңалықтар

Су үнемдейтін қондырғы

Технология • Кеше