Абай • 09 Сәуір, 2021

Тбилисиде грузин тіліндегі Абай өлеңдерінің жинағы жарық көрді

165 рет
көрсетілді
1 мин
оқу үшін

Грузия Жазушылары үйінде қазақтың ақыны және ойшылы Абай Құнанбайұлының грузин тілінде алғаш басылып шыққан өлеңдер жинағының тұсаукесері өтті. Іс-шараға Грузияның Мәдениет министрлігі мен Жазушылар одағының, әдеби топтарының, сондай-ақ Қазақстан елшілігінің өкілдері қатысты, деп хабарлайды Egemen.kz СІМ баспасөз қызметіне сілтеме жасап.

Тбилисиде грузин тіліндегі Абай өлеңдерінің жинағы жарық көрді

Абай өлеңдерінің аудармашысы, Грузия Жазушылар одағының төрайымы, мемлекеттік сыйлықтардың лауреаты Маквала Гонашвили өз сөзінде қазақ халқының ұлттық болмысы, рухы мен дүниетанымын қамтитын  Абай шығармашылығының жан-жақтылығы мен тереңдігін, онымен танысу екі мәдениеттің өзара баюы мен халықтардың жақындасуына қызмет ететінін атап көрсетті.

Қазақстан елшілігінің кеңесшісі Гүлмира Сұлтанәли Абай шығармашылығы мен идеяларының тәуелсіздік кезеңінде,  елімізді жаңғырту шеңберінде аса өзекті және үлкен сұранысқа ие екендігін атап көрсетті.

Бұл кеште әдебиетшілердің назарына Қазақстан мен Грузияда басылып шығарылған Маквала Гонашвили мен Ғалым Жайлыбайдың өлеңдер жинақтары да ұсынылды.

Грузин жазушылары Абай өлеңдерінің грузин тіліндегі аудармасына жоғары баға бере отырып, екі елдің шығармашылық қауымдастықтары арасындағы ынтымақтастықты жалғастырудың, оның ішінде  қазақ және грузин ақындары мен жазушылары туындыларының екі тілді жинағын шығарудың маңыздылығын атап өтті.

Қазақстандық дипломаттар Грузия Жазушылар одағына қазіргі қазақ поэзиясының және прозасы антологияларын сыйға тартты.

Соңғы жаңалықтар

Су үнемдейтін қондырғы

Технология • Кеше