Қоғам • 13 Сәуір, 2021

Шығыс Қазақстанда 80 басшы жауапқа тартылды

1441 рет көрсетілді

Шығыс Қазақстанда тәртіп сақшылары облыс көшелері мен жолдарындағы қауіпсіздікті бақылау үшін 450-ден астам тексеру жүргізді, деп хабарлайды Egemen.kz облыстық ПД баспасөз қызметіне сілтеме жасап.

Тексеріс нәтижелері бойынша жол қызметтерінің 80 басшысы мен теміржол өткелдерінің 11 иесі әкімшілік жауапқа тартылды. Салынған айыппұлдың жалпы сомасы 2 млн 600 мың теңгені құрады.

«Бұл ретте үш лауазымды тұлғаға 131 265 теңге көлемінде әкімшілік айыппұл салынған. Қазіргі уақытта тек әкімшілік шаралармен жол қауіпсіздігінің жоғары деңгейіне қол жеткізу мүмкін емес. Ол үшін жол-көлік инфрақұрылымын жақсарту және жол қозғалысын ұйымдастыру деңгейін арттыру қажет», дейді баспасөз қызметіндегілер.

Жергілікті атқарушы органдардың қолдауы мен ПД ұсыныстарының арқасында соңғы жылдары көшелер мен жолдарда бірқатар нысандар салынған. Оның ішінде Өскеменде 2 жерүсті жаяу жүргіншілер өткелі бар. Сондай-ақ апаттық-қауіпті учаскелерде солға бұрылуға тыйым салатын қосымша белгілер орнатылды. Бұдан бөлек, 30 жаңа бағдаршам қойылып, жұмыс істеп тұрған 70-іне реконструкция жүргізілді.

«Жол қозғалысын ұйымдастыруды жақсарту бойынша осындай жұмыстар биыл да жүргізілетін болады. Мәселен, Семейде жаңа мешіт ауданында екі жерүсті жаяу жүргіншілер өткелі мен 13 бағдаршам салынып, 4 000-нан астам жол белгісі ауыстырылады», дейді ПД өкілі.

 

Соңғы жаңалықтар

Алматы қаласында жер сілкінді

Аймақтар • Бүгін, 17:39

Мереке қарсаңында марапатталды

Аймақтар • Бүгін, 13:58

Ұқсас жаңалықтар