Аймақтар • 13 Сәуір, 2021

«Халық Аренада» орналасқан госпитальге қатысты қауесет шықты

1639 рет көрсетілді

Алматы қаласы Қоғамдық денсаулық басқармасының Баспасөз қызметі БАҚ пен әлеуметтік желілерде жарияланған «Халық Аренадағы» госпитальда 70 пациентке аз дәрігер жұмыс істейді және дәрігерлер жағдайды көтере алмай отыр» деген үндеуді қарап, бұл ақпараттың шындыққа жанаспайтынын ресми түрде мәлімдеді, деп хабарлайды Egemen.kz.

Қазақстан Республикасы Денсаулық сақтау министрінің 2010 жылғы 7 сәуірдегі N238 «Өңірлерді медициналық қызметкерлермен қамтамасыз ету стандарттарын бекіту туралы» бұйрығына сәйкес жұқпалы аурулар бөлімшесінде штаттық норматив бойынша 20 төсек-орынға арналған жұқпалы аурулар бөлімшесінде инфекционист-дәрігердің бір лауазымы және тәулік бойы 1 мейірбике ұсынылады.

2021 жылғы 12 сәуірдегі жағдай бойынша «Халық Арена» стационарында 9 дәрігер және 2 реаниматолог-дәрігер 68 пациентке жұмыс істеген.

«Халық Арена» стационары 2020 жылдың шілде айында 1000 төсек-орын резервте тұрған, өз жұмысын 2021 жылдың 01 сәуірінен бастады. Уақытша стационар «Фтизиопульмонология орталығының» медициналық қызметтерімен қамтамасыз етеді. Мұнда пневмония және КВИ ауырлығы орташа және жеңіл науқастар қабылданады.

Инфекциялық төсек-орындар пациенттерді ауруханаға жатқызу негізінде кезең-кезеңімен орналастырылады. Дәрігерлер тобы жүктемелерге сәйкес белгіленген стандарттарға сәйкес орналастырылады. Жалпы «Халық Арена» базасында 25 бөлімше және 15 медициналық бекет орналастырылған.

Уақытша стационарда кадрлық жағынан және дәрі-дәрмекпен қамтамасыз етуде ешқандай қиындықтар туындамаған.

Өтініш анонимді болғандықтан, дәрігерлерді аралау, кеңес беру және емдеуді тағайындау журналдарын қарап, оның дұрыстығы мен объективтілігін тексеру мүмкін емес.

Соңғы жаңалықтар

Шалқар көлінің мәселесі шешілді

Экология • Бүгін, 16:00

Доллар қымбаттай бастады

Қаржы • Бүгін, 11:47

Ұқсас жаңалықтар