Суретті түсірген Ерлан ОМАР, «EQ»
Қазіргі уақытта бірқатар өңірде медициналық ұйымдардың техникалық жарақтандырылуының төмен болуына байланысты халық үшін осы қызметтерге қолжетімділік деңгейінің төмендігі байқалуда. Қолжетімділіктің ең төмен деңгейі Түркістан, Қостанай, Ақтөбе және Алматы облыстарында байқалады. Денсаулық сақтау министрлігі атап өткендей, Қостанай, Алматы және Түркістан облыстарының әкімдіктеріне мемлекет-жеке меншік әріптестік аясында қосымша жабдықтар сатып алып, инвестицияларды белсенді тарту қажет.
«Әр емхана өзіне бекітілген тұрғындарды қымбат қызметтерге бағыттау жөніндегі жоспарларды анықтауы, сондай-ақ пациенттердің қызметтерді уақтылы алуы үшін бағдарын белгілеуі тиіс. Оның мерзімі 10 күннен аспауы керек. Онкологиялық ауруларға күдік туындаған кезде әлеуметтік маңызы бар және созылмалы аурулары бар пациенттерді қымбат тұратын қызметтермен қамтамасыз ету маңызды», деді министрліктің МӘМС үйлестіру департаментінің директоры Гүлжан Шайхыбекова
Қымбат тұратын қызметтердің қолжетімділігін арттыру жөніндегі отырысқа Әлеуметтік медициналық сақтандыру қорының, облыстардың, Нұр-Сұлтан, Алматы, Шымкент қалаларының денсаулық сақтау басқармаларының, медициналық ұйымдардың өкілдері қатысты.
Отырыс барысында министрлік медициналық сақтандыру қорына, денсаулық сақтау басқармаларына, медициналық ұйымдар мен учаскелік дәрігерлерге арналған іс-шаралар жоспарын ұсынды. Бұл жоспарды жүзеге асыру үшін барлық мүдделі ұйымдардың үйлесімді жұмысы және медициналық ұйымдармен үнемі кері байланыс қажет. Сонымен қатар, Г.Шайхыбекова Денсаулық сақтау министрлігі тарапынан берілген негізгі тапсырмаларға назар аударды. Мәселен, облыстардың, республикалық маңызы бар қалалардың денсаулық сақтау басқармалары халықтың қажеттілігін 100%-ға қамтамасыз ету үшін қымбат тұратын қызметтердің тиісті көлеміне өтінімдерді уақтылы қалыптастыруды, өңірдің денсаулық сақтау инфрақұрылымын дамыту мониторингін, медициналық ұйымдар бөлінісінде қымбат тұратын қызметтердің 100% қолжетімділігін қамтамасыз ету мониторингін, олардың жоспарына сәйкес іс-шараларды орындауды қамтамасыз етуі қажет. Сондай-ақ, медициналық қызметтерге кезектерді болдырмау мақсатында мемлекет-жеке меншік әріптестігінің объектілері мен жеке секторды тарта отырып, денсаулық сақтау нысандары бойынша пациенттерді бағдарлауды әзірлеу және ұйымдар мен халыққа жеткізуі тиіс. Әлеуметтік медициналық сақтандыру қоры денсаулық сақтау субъектілеріне көрсетілетін қызметтер көлемін уақтылы орналастыруды, көрсетілетін қымбат тұратын қызметтердің көлемі мен сапасы бойынша шарттық міндеттемелердің орындалуына мониторингті, қымбат тұратын қызметтердің қолжетімділігіне қатысты халықтың жүгінулеріне мониторингті және өңірлер бөлінісінде қымбат тұратын қызметтерді көрсету бойынша ақпарат ұсынуды жалғастыруы қажет. Ал медициналық ұйымдар медициналық қызметкерлер арасында қымбат тұратын қызметтерді көрсету шарттары бойынша оқыту және түсіндіру жұмыстарын жүргізу, қымбат тұратын қызметтерді көрсету бойынша бірлесіп орындау шарттарын уақтылы жасасу, жолдамаларды уақтылы ұсынуды ішкі бақылау және пациенттердің қызметтерді алуын бақылау қажет.
Nur Otan партиясының «Өзгеріс жолы: әркімге лайықты өмір!» сайлауалды бағдарламасының аталған іс-шарасының орындалуына мониторинг жүргізу тұрақты негізде жүзеге асырылмақ.
