Қоғам • 14 Сәуір, 2021

Вице-министр: Баспана кезегіне қайта тіркелуге жол берілмейді

11 рет көрсетілді

Индустрия және инфрақұрылымдық даму бірінші вице-министрі Қайырбек Өскенбаев баспана кезегін реттеу ісінде ашықтық қалай қамтамасыз етілетінін мәлім етті, деп хабарлайды Egemen.kz

«Бүгінгі таңда Тұрғын үй құрылыс жинақ банкі «Отбасы банкі» болып қайта құрылды және оның базасында «Тұрғын үймен қамтамасыз ету орталығы» жасақталды. Осы орталық, тұрғын үйге мұқтаждардың есебін жүргізуді, сондай-ақ тұрғын үйді бөлуді тұрғын үйдің қолжетімділік сатысына сәйкес, тізімге енгізілген күні бойынша кезекте тұрғандар арасында бір орталықтан жүзеге асырылатын болады», деді министрдің бірінші орынбасары.

Вице-министрдің сөзіне қарағанда «Тұрғын үймен қамтамасыз ету орталығы» жеке тұлғалардың мемлекеттік дерекқорларын бір ортаға тоғыстыру арқылы «бармақ басты, көз қысты» әрекеттердің жолын кесетін болады.

«Базаға қайта енгізуге жол берілмейді. Азаматтар мемлекеттік бағдарламаларға бір рет қана қатыса алады», деді Қайырбек Өскенбаев.

Бұған дейін хабарлағанымыздай, «Нұрлы жер» бағдарламасы бойынша салынатын пәтер саны көбейетін болды.

Вице-министрдің айтуынша, тәуелсіздік жылдарында 1,6 миллионнан астам қазақстандық жаңа баспанаға ие болған.

Соңғы жаңалықтар

Доллар бағасы тағы арзандады

Экономика • Бүгін, 11:30

Күлше қыз

Театр • Бүгін, 09:25

Гүлдердің сырын ұққан...

Өнер • Бүгін, 09:24

Қалдықты кәдеге жаратты

Аймақтар • Бүгін, 09:22

Ақылы автожол көбейді

Қазақстан • Бүгін, 09:18

Digital теңсіздік

Технология • Бүгін, 09:14

Елін сүйген ерен ер

Тарих • Бүгін, 09:11

Расиманың асүйі

Қоғам • Бүгін, 09:07

Ұқсас жаңалықтар