Қоғам • 16 Сәуір, 2021

Жолайрықтар қала көшелерінің тынысын ашады

148 рет көрсетілді

Жыл өткен сайын Шымкенттегі қалаішілік жолдардың тынысы тарылып, көлік кептелісі көбейе түсуде. Әсіресе қаланың орталық көшелері автокөліктерден иін тіреседі.

Бұл бірінші кезекте шаһар көше­лерінің миллион тұрғын тұра­тын қала талаптарына сай емес екендігін көрсетеді. Осы ол­қы­лықтың орнын толтыру мақ­сатында былтыр қала әкім­дігі Д.Қонаев-Т.Рыс­құлов пен Бәйдібек би-Арғын­­беков көше­лерінің қиылысында жол­айрық құрылысын салуды жос­парлаған.

Былтыр басталған Д.Қонаев даңғылы мен Т.Рысқұлов кө­шесінің қиылысындағы жол­айрық құрылысы кестеге сәйкес жүргізіліп келеді. Нысанның ұзындығы Д.Қонаев даңғылы бойынша бір шақырымды, Т.Рысқұлов көшесі бойынша 0,7 шақырымды құрайды. Жыл соңына дейін ел игілігіне пайдалануға беру жоспарлануда. Бүгінгі таңда мұнда 3,3 шақырым су, газ құбырларының орнын ауыстыру, тоннель қазу, 60 метр тіреу қабырғаларын құю, 7 бағана орнату және 75 қада құю жұмыстары орындалды. Сонымен қатар аталған жолайрықта жерасты өткелінің құрылысы жоспарланған. Құ­ры­лыстың жобалау-сме­та­лық құжаттамасын әзірлеу үшін қаржы қарастырылып, мем­­лекеттік сатып алу кон­кур­­сы жүргізілген. Сәуір айын­­дағы мәлімет бойынша мұн­да 270 метрге жуық тіреу қа­бы­рғаларын құю, 4 секция бойынша тіреу қабыр­ға­лары­ның қалыбын тоқу, 1,92 ша­қырымды құрай­тын су құбы­рын, 1,82 шақырымдық газ құ­бы­рын, байланыс сымдарын ор­нату жұмыстары аяқталды. Соны­мен қатар биыл сәуір айы­ның соңына дейін 30 мың тек­ше метр жердегі құрылыс жұмыс­тарын аяқтауды жоспарлап отыр. Нәтижесінде, жобаға сәйкес Т.Рысқұлов көшесі­нің ені кеңейтіліп, кедергілі қор­шау орнату қарастырылған.

Қазіргі таңда Д.Қонаев даң­ғылы мен Т.Рысқұлов көше­сінің қиылысындағы жолай­рық құрылысының екінші кезеңі қарқын алуда. Биыл 20 қаң­тарда ірі жолайрық құры­лысының екінші кезеңі бастал­ған болатын. Бұл кезеңде жол жа­бы­нын бұзу, инженерлік же­лі­лерді ауыстыру, тіреу қа­быр­ғаларын бетондау, жол өткелін және жол жамылғысын салу жұмыстары орындала­тын болады. Құрылысқа «Bazis Construction» ЖШС жауап­ты. Қазіргі уақытта нысанда газ, су құбыры және элек­тр желі­лерін ауыстыру, сон­дай-ақ тон­нельдегі тіреу қабыр­­ға­­ла­рын құю бойынша құры­лыс жұ­мыстары жүр­гізілу­де. Бүгінге дейін 26,5 шақы­­рым инженерлік желі­лер­дің 3,4 ша­қы­рымы немесе 13 па­йызы ауыс­тырылды. Инф­ра­­құ­­ры­лымдық желілер жол тө­се­мінен бөлек орналасады. Электр желісінің он бағана­сын­ың жетеуі, құйылуы тиіс 105 қаданың 75-і, болашақ тіреу қабырғаларының 986 метрінің 50 метрі орнатылды.

«Мұндай нысандарды салу әрдайым қиын, өйткені жұ­мыс­тар ірі қаланың халық ты­ғыз орналасқан ауданында жүр­гізілуде. Мұнда жер учас­­ке­лерін алу, инженерлік ком­­му­­­ни­ка­ция­ларды көші­ру мә­се­ле­лерін шешу қа­жет. Сон­дай-ақ бай­ланыс желі­лерінің ты­ғыз­ды­ғы өте жоғары, тұрғын үй­лер жақын жерде орналасқан. Оған қоса электр әуе же­лісі – 110 кВт. Оны ауыс­тыру керек», деді құ­ры­лысқа жауап­ты ма­мандар. Екін­ші кезең құ­ры­лы­сының басталуы­мен Қо­наев даңғылында Жан­досов кө­шесінен Рысқұлов көше­сіне дейін және Бәйдібек даң­ғы­лын­да Рысқұлов көше­сінен Дула­ти кө­шесіне дейін қоз­ға­лыс то­лы­ғы­мен жабылып, ашық тип­тегі тоннель бөлі­гі­нің құрылысы басталады.

Айта кетерлігі, бүгінге дейін жобаға бөлінген қаржының 550 млн теңгесі игерілген. 2021 жылға республикалық бюджеттен 1 млрд 100 млн, жергілікті бюджет есебінен 543,7 млн теңге қаралған.

Шаһардағы көлік қозғалы­сын реттейтін ендігі бір жоба – Бәйдібек би-Арғынбеков көшелерінің қиылысында салынатын жолайрық құрылысы.

Бәйдібек би-Арғынбеков көше­лерінің қиылысында көлік жолайрығын салу құры­лысының 1-ші кезеңіне жауапты мердігер мекеме – «Казахдорстрой» ЖШС. Құры­лыс аумағының ұзындығы Бәйдібек би даңғылы бойынша – 700, Арғынбеков көшесі бо­йынша 921 метрді құрайды.

Құрылыс 2020-2022 жылдар аралығына жоспарланып, бюджеттен жалпы 11,4 млрд теңге қаржы қарастырыл­­ған. Ал осы жылға қаралғаны – 200 млн теңге. Осыған орай жол­ай­рық түсетін маңдағы 61 жер те­лі­мін қайтару қажеттігі туын­дап отыр.

– Негізгі жолды жабуға де­йін биыл мамыр-қыркүйек айлары аралығында ағаштарды тамырымен жұлу, 3-4 съездер­дегі байланыс желілерін қайта жайластыру, Арғынбеков кө­ше­сіндегі 3-ші съездегі тіреу қа­бырғасын салу жұмыстарын жүргізу жоспарда. Сонымен қатар қазан-желтоқсан айлары аралығында Арғынбеков кө­шесінің бойындағы 3-ші съез­дің тіреу қабырғасын салу, тоннел бойынша жер қазу жұ­мыс­тарын жүргізу көзделуде.

Аталған екі жоба толық аяқ­тал­ған жағдайда қала ішін­дегі көлік кептелісі азайып, тұр­­ғын­дар кептеліске түсіп, уақыт­тан ұтылмайтын болады, – дейді қала әкімінің орынбасары Мақсұт Исақов.

 

ШЫМКЕНТ

 

Соңғы жаңалықтар

Букер сыйлығы кімге бұйырады?

Әдебиет • Бүгін, 08:49

Оқушы жасаған қосымша

Аймақтар • Бүгін, 08:43

Құрылысқа құрғақ уәде жүрмейді

Аймақтар • Бүгін, 08:41

Есірткі қылмысы «жасарып» тұр

Аймақтар • Бүгін, 08:40

Жас мамандар ауылға бет бұрды

Аймақтар • Бүгін, 08:38

«30 игі іс»

Қоғам • Бүгін, 08:33

Индустриялық аймақтың игілігі

Экономика • Бүгін, 08:30

Шектеу қайта күшейеді

Коронавирус • Бүгін, 08:23

Айыппұл көлемі – 92 млн теңге

Саясат • Бүгін, 08:19

Экожүйенің цифрлы картасы

Саясат • Бүгін, 08:16

Жеңіс дауысы

Тарих • Кеше

Суретші саясаткер

Өнер • Кеше

Ұқсас жаңалықтар