«Мемлекеттік корпорация мемлекеттік қызметтерді «бір терезе» қағидаты бойынша көрсетуді қамтамасыз ететін бірыңғай провайдер. Біздің қызметкерлер әрдайым тәуекел аймағында. Өйткені әр маман күн сайын мыңдаған қызмет алушылармен байланыста болады. Ал екпе өзіңізді және басқаларды қорғауға мүмкіндік береді. Алғашқы болып вирусқа қарсы екпені мамандандырылған ХҚО қызметкерлері алды», деді филиал директоры Мәди Саданов.
«Азаматтарға арналған үкімет» МК» КеАҚ Нұр-Сұлтан қаласы бойынша филиалының менеджері Айнур Жақанованың айтуынша, вакцинаны алуға тек ХҚО қызметкерлері ғана емес, сонымен қатар жер кадастры, зейнетақы және әлеуметтік қамсыздандыру, тіркеу басқармаларының бэк-кеңселері мен филиалдың әкімшілік-басқару құрамы ниет білдірді. Директор бастаған басшылық құрамы да шетте қалмады.
ХҚКО қызметкерлерін вакциналау үшін қоғамдық денсаулық сақтау басқармасының көшпелі бригада жұмысы ұйымдастырылды.