![Атырауда Қазақстан халқының бірлігі күніне орай «30 игі іс» акциясы өтті](/media/2021/05/01/210501211026981e.jpg)
Акция аясында 2 мыңнан астам қала тұрғынына азық-түлік пен қаржылай көмек берілді.
Қайырымдылық марафоны Қазақстан халқының бірлігі күні қарсаңында «Абай» орталығында өтті. «Елімізде Тәуелсіздіктің 30 жылдығына орай «30 игі іс» қайырымдылық марафоны өтіп жатыр.
Атырау облысында да аталған акция аясында көп балалы отбасыларға, ерекше күтімді қажет ететін балалардың аналарына, жалғызбасты аналарға көмек көрсетілуде. Мейірімділік пен қайырымдылық акциясы жыл соңына дейін жалғасады», дейді облыс әкімінің орынбасары Бақытгүл Хаменова.
Шара барысында ерекше балалары бар аналар мен көпбалалы отбасыларға 15 мың теңгенің сертификаты сондай-ақ, азық-түлік себеті мен гүл шоғы табысталды. Осындай көмек облыстың екі мыңнан астам тұрғынына көрсетілді. Солардың қатарында Мнупар Жамбылова да бар. Ол сал ауруына шалдыққан немересін тәрбиелеп отыр. «Қызымның бес баласы бар. Балаларының бірі туғанынан сал ауруына шалдыққан. Бес баланы өсіру оңай емес. Әсіресе, ерекше қамқорлықты қажет ететін сәбиге айрықша күтім қажет. Сондықтан, Саида жиенімді өз қамқорлығыма алдым. Жиенімді емдету мақсатымен Қазақстандағы ең танымал клиниканың бәріне апардық», дейді Мнупар Жамбылова.