Қазақстандық Яраслава Шведова алғашқы кездесуін әлемнің 97-ракеткасы, италиялық Мартина Тревизанмен өткізді. Бірінші партияда М.Тревизан бірде-бір гейм берген жоқ – 6:0.
Есесіне екінші сетте Я.Шведова тай-брейкте қарсыласының меселін қайырды – 7:6 (7:4). Үшінші, шешуші партияда қазақстандық теннисші тағы да тай-брейкте жеңісті жұлып алды – 7:6 (8:6).
Тартысты өткен бәсеке 2 сағат 35 минутқа созылды. Я.Шведова жүлде қоры 1,8 млн АҚШ долларынан асатын доданың екінші айналымында әлемнің 1-ракеткасы, аустралиялық Эшли Бартимен шеберлік байқасады.
