Футбол • 16 Мамыр, 2021

Футболдан ел чемпионатының 11 тур ойындары аяқталды

148 рет
көрсетілді
1 мин
оқу үшін

Футболдан Қазақстан чемпионатының 11 тур ойындары аяқталды. Кезекті кездесуінде жеңіске жеткен «Астана» 29 ұпай жиып, өзге бәсекелестерінен қара үзіп кетті.

Футболдан ел чемпионатының 11 тур ойындары аяқталды

Жұма күні елордалық футболшылар Талдықорғанның «Жетісуін» қабылдады. Кездесудің 4-минутында Марин Томасов мергендік танытты – 1:0. Осы есеп матчтың соңына дейін сақталды. Осылайша, «Астана» өзінің басты қарсыластарынан біраз ұпай озып, жарыс кестесінде жеке-дара көш бастап тұр.

Қарағандының «Шахтеры» мен Түркістанның «Тұраны» арасындағы бәсекенің де тағдырын бір ғана доп шешті. Нұр-Сұлтанда өткен ойында Таңат Нөсербаев соққан голдың арқасында оңтүстіктен келген жігіттер жеңіске жетті – 1:0.

Оралдың «Ақжайығы» өз алаңында Алматының «Қайратын» қабылдады. 53-минутта Павел Назаренко нысананы дәл көздеп, жергілікті жапнкүйерлерді қуантты – 1:0. «Ақтөбе» мен Қызылорданың «Қайсары» арасындағы бәсеке 1:1 есебімен тең аяқталды.

Сенбі күні тағы да үш ойыншы тамашаладық. Петропавловскінің «Қызыл-Жары» Ақтаудың «Каспийін» ұтты – 2:0. «Атырау» «Тараздан» басым түсті – 1:0. Ал «Ордабасы» мен «Тобыл» арасындағы матчта жеңімпаз анықталған жоқ – 1:1.