Медицина • 17 Мамыр, 2021

Медициналық көмек жүйелі көрсетіледі

544 рет
көрсетілді
5 мин
оқу үшін

Халықтың денсаулығына ден қою одан сайын маңыздана түскен қазіргі сын сағатта Әлеуметтік медициналық сақ­тандыру қорының жұмысы ерекше назарда. Аталған қордың басқарма төрағасы Болат Төкежанов Орталық коммуникациялар қызметі алаңында атқарылған жұмыстар жөнінде жан-жақты мағлұмат беріп, журналистердің сұрақтарына жауап берді.

Медициналық көмек жүйелі көрсетіледі

Азаматтар коронавирус инфекциясын жұқтырған және пневмонияға шалдық­қан жағ­дайда Әлеуметтік медици­налық сақтандыру қорындағы мәртебесіне қара­мастан ме­дициналық көмекті тегін ала­ды. Қор індетпен күрес бойынша іс-шараларды қар­жыландыруға 71,6 млрд теңге бағыттады.

– Індетпен күрес кезінде медициналық сақтандыру қо­рының қаражаты есе­бі­нен ПТР-зерттеулерге қол­же­тімділік қаншалықты арт­қанын атап өткім келеді. Өткен жылы шамамен 1,9 млн ПТР-тест жүргізілсе, осы жылдың алғашқы үш айында КВИ вирусын анық­­тауға 1,3 млн зерттеу қаржыландырылды. Сондай-ақ қор былтыр мо­бильді бригаданың 550 мың көмегін қаржыландырды, ал биыл тек бірінші тоқсанда коро­навирус белгілері бар па­циенттерге жарты млн-нан аса көмек көрсетілді, – деді Б.Төкежанов.

1 тоқсанның қорытын­ды­сына тоқталған қор басшысы коронавируспен кү­реске бөлінген бюджеттің не­гізгі сомасы алдыңғы шеп­те жұмыс істеп жүрген ме­ди­­цина қызметкерлерінің жалақысына үстемеақы тө­леу­ге қарастырылғанын атап өтті. Нақ­­тырақ айтқанда, қаң­тарда 50,5 мың медицина қызметкері 13,9 млрд теңге сомасында үстемеақы, ақпанда 51,7 мың медицина қызметкері 13,8 млрд теңге сомасында үстемеақы алды. Ал наурыз айында 53,2 мың қызметкерге берілген төлемдер сома­сы 14,7 млрд теңгені құ­ра­ды. Осы үстемеақылар ар­­қы­­лы инфекциялық ста­цио­­нарлардағы кейбір дәрі­герлердің жалақысы 1 млн теңгеге жетті.

Қор жұмысының бір ба­ғыты – халықпен кері бай­ланыс орнату және пациент­тердің құқықтарын қорғау. Бұл ретте шағымдар мен ұсы­ныс-тілектерге баса көңіл бө­лі­неді. Шағымдардың
35,7%-­ы­­ ­ме­дициналық кө­мек көр­­­се­ту­­­ден бас тарту,
20,3%-ы­ көр­­се­­тілген медици­на­­лық қыз­­­­­мет­тердің сапасы, 10,7%-ы­ ақылы негізде ТМККК және МӘМС кіре­тін қызметтерді алуға жолдау, 10,6%-ы ақпа­рат­тық жүйелерде нақты көр­­сетіл­меген қызметтерді анық­тау, 8,5%-ы дәрілік препараттармен қамтамасыз ету­ден бас тарту турасында болған.

– 1 тоқсанның қорытын­дысы бойынша қор сарапшы­лары 203,6 мың ақауды анық­тады, айыппұлдарды есепке алғанда 3,5 млрд теңге со­ма­сын құрады. Анықталған ақау­лардың ішінде 29,3 млн теңге сомасына 3 823 жағдай жалған есеп деп аталатын көрсетілмеген қызметтерді құ­райды. Биылдан бастап мұндай келеңсіз жағдай­лардың алдын алу үшін қор мониторингтің жаңа түрі проак­тивті мониторингті ен­гізді. Енді ақау анықталған жағдайда қорытындыға қол қойылған күннен бас­тап 45 күнтізбелік күн ішін­де мә­селе шешілуі керек. Көр­се­­тілген мерзімде ақау­лар жойыл­маған жағ­дайда айып­пұлдар қарас­тырылған, – деді ӘМСҚ басшысы.

Б.Төкежановтың ай­туын­­ша, 2021 жылға ар­нал­­ған сатып алу жоспары бо­йын­ша халыққа меди­циналық көмек көрсетуге 1,8 трлн теңге, оның ішінде ТМККК-ке 1,1 трлн тең­ге, МӘМС-ке 700 млрд теңге қарастырылған.

Қор 2021 жылы амбула­тория­лық-емханалық және стационарды алмастыратын көмекті, ауылдық денсаулық сақ­тауды, қашықтан көр­сеті­летін медициналық кө­мек­ті, профилактикалық тек­серулерді, мейірбикелік кө­мекті және патронаждық қыз­метті қаржыландыруды ұлғай­тады. Ерекше қажет­тіліктері бар балаларды­ ме­дициналық оңалту, ЭКО және «Қамқор­лық» квоталарын ұлғайту бойынша «Аңсаған сәби» бағ­дарламаларын іске асыру қор тарапынан толық қаржы­ландырылады. Сонымен қа­тар антенаталды бақылауды жүргізуге қосымша 29,7 млрд тең­ге бөлінген, 5 жас­қа дейінгі балаларды профилактикалық тексеруге – 12 млрд теңге, сондай-ақ мектеп медицинасын дамытуға 22,5 млрд теңге бөлінді.

Ауылдық жерлерде ме­ди­­ци­налық қызметтердің қол­жетімділігін арттыру үшін өткен жылы 100 жылжымалы медициналық кешен сатып алынды. Биыл барлық ауыл тұрғынына 149 жылжымалы медициналық кешен қызмет көрсетеді. Оның ішінде бейінді мамандардың консультацияларын алу, скри­нингтен, диагностикадан өту, зертханалық талдаулар жасату, вакцина салдыру, ауруханаға жатқызуға жолдама алу және медициналық көмектің басқа да түрлерін алуға болады. Бірінші тоқ­санда «жылжымалы емханалар» деп аталатын мобильді медициналық кешендер арқылы ауыл тұрғындарына 231,9 млн теңгеге 120 мың медициналық қызмет көрсе­тілді.

Сонымен қатар Болат Төке­жанов мақсатты топ­тағы пациенттерді дәрі-дәрмекпен қамтамасыз етуге ерекше көңіл бө­лі­нетінін айтты. 2021 жылы амбулаториялық дәрі-дәр­мекпен қамтамасыз етуге 152,4 млрд теңге бөлініпті.