Әлем • 17 Мамыр, 2021

Солтүстік Корея футболшылары іріктеу турнирін жалғастырудан бас тартты

11 рет көрсетілді

Футболдан Солтүстік Корея құрамасы 2022 жылы Катарда өтетін әлем чемпионатының жолдамалары сарапқа салынып жатқан жарысты жалғастырудан бас тартатыны жайында ресми түрде мәлімдеді.

Азия құрлығындағы Н тобында өнер көрсеткен олар осы күнге дейін бес кездесу өткізіп үлгерген еді. Сол ойындардың екеуінде жеңіске жетіп, біреуінде есе жіберді. Тағы екі бәсекеде тең есеп тіркелді. Бұл топта 9 ұпайды олжалаған Түркменстан бірінші орында келеді. Көш басындағы командадан Оңтүстік Корея, Ливан және Солтүстік Кореяның бір ұпайы кем. Байыптап қарасақ, айтулы мемлекеттің аяқ доп шеберлерінің де жолдамадан үміті бар екенін аңғару қиын емес. Бірақ күллі әлемді жайлаған коронавирус дертінің өршуіне орай олар іріктеу турнирін одан әрі жалғастырудан бас тартты.

Солтүстік Корея футболы жайында айтар болсақ, олар әлем чемпионатына небары екі мәрте ғана қатысты. 1966 жылы Англияда төрткүл дүние жанкүйерлерін таңдандырып, ширек финалға дейін жетсе, 2010 жылы ОАР-да өз тобында соңғы орында қалып қойды.

Соңғы жаңалықтар

Доллар қымбаттады

Қаржы • Кеше

Ұқсас жаңалықтар