Әлем • 20 Мамыр, 2021

Грузия мен Еуропалық одақ құжатқа қол қойды

46 рет көрсетілді

19 сәуірде Грузия президенті Саломе Зурабишвили мен Еуропалық Кеңес төрағасы Шарль Мишель екіжақты келісімге қол қойған-ды. Араға бір ай салып бұл құжаттың Грузияға қандай әсері бары, Еуропа Кеңесі мен Грузияның арақатынасы талқыланды.

Светлана ҒАЛЫМЖАНҚЫЗЫ

Егемендігіне 30 жыл толғанда Грузия Еуропа отбасына қосылу ниетін білдірді. 2004 жылдан бері Еуропа одағы Грузияны шығыстағы серіктесі мәртебесінен жақындата түсетін жоспарға қосып келеді. Ал соңғы он жылда бірқатар келіссөз жүргізіліп, құжатқа қол қойылды. Оның аясында еркін сауда жүйесі, Еуропа одағындағы мемлекеттерге қысқа мерзімге визасыз келу мүмкіндігі пайда болды. Сарапшылар мұндай елеулі жетістіктер Кеңес Одағы құрамында болған басқа мемлекеттердің қолынан келмеді деген ой айтады.

2021 жыл Грузия үшін саяси шиеленіспен басталды. Елдегі басқарушы билік пен оппозиция арасындағы бәсекелестік көптеген мәселе тудырды. Еуропа одағы мен АҚШ елшілерінің арақатынасты түзеу әрекеттеріне қарамастан, шиеленіс елді саяси дағдарысқа әкеп тынды. Оның үстіне, сол аймақтағы Әзербайжан мен Армения арасындағы қақтығыс елдегі демократия мен тұрақтылықты сақтау қажеттігін тудырды. Грузия президенті ЕО-мен келіссөздер жүргізіп, бұл жағдайды реттеудің жолы ретінде белгіленді.

«Грузияның басқарушы билігі мен оппозициясы қатар қол қойған бұл келісім бірнеше онжылдықтар бойы жеткен жетістіктің зая кетпей, елдің саяси бағытына оң әсер етіп, дағдарысты тоқтатады деп сенеміз. Грузияның еуропалық жолын жеделдетіп, диалог арқылы біржақты келісімге, Грузияның келешегі үшін ортақ нүкте табуға мүмкіндік табуға бастайтын құжат болмақ. Бұл аймақта еуропалық рух арқылы демократиялық түсінікті қалыптастыру жолы десек болады. Саяси дағдарыс аяқталып, сындарлы саяси диалог, бірлесу жолға қойылмақ. Бәрін келісімге шақырамыз», деді саяси көшбасшылар.

Саясаткерлер бұл тек Грузия үшін ғана емес Еуропа одағы үшін де тиімді болады деген пікірде. «Аймақ Еуропаның құндылығы, қауіпсіздігі мен біртұтастығы үшін маңызды», дейді Шарль Мишель.

Күннің маңызды және өзекті жаңалықтарын «Егемен Қазақстан» телеграм каналынан оқыңыз