Бибігүл Төлегенова «Спутник-V» вакцинасының екі компонентін де алған. Ол вакцинаның екінші дозасын 14 мамырда салдырғанын айтты.
«Мен 14 мамырда вакцинаның екіншісін салдырдым. Құдайға шүкір еш жерім аурыған да жоқ, ештеңе сезгем де жоқ», деді Бибігүл Төлегенова.
Сондай-ақ танымал опера әншісі қазір елдегі жағдай қиын екенін айтып, бүкіл халықты жұмыла отырып вакцина алуға шақырды.
Айта кетейік, бұған дейін Бибігүл Төлегенованың «Спутник-V» вакцинасын салдырғаны хабарланған болатын. Бұл туралы журналист Тұрсын Қалимова facebook-тегі парақшасында жазған еді.
