Жол апатынан өмірі қиылған балалардың саны артып барады

Түрлі ЖКО салдарынан 4 973 адам жарақат алды (13,4% - ға өсті) және 458 адам опат болды (5,3% - ға өсті).

Жолдарда кәмелетке тол­мағандар өлімінің өсуі ерекше назар аударуға тұрарлық, олардың саны 699-дан 856-ға дейін артты және зардап шек­кендердің жалпы санының 15,8%-ын құрайды. Бұл ретте, кәмелетке толмағандардың қатысуымен орын алған жол апаттары себептерінің бірі – ере­сектер балалардың жолда жү­руіне немқұрайлы қарайды. Со­нымен қатар 12 жасқа дейінгі балаларды арнайы ұстау құ­рылғысы немесе баланы қа­уіпсіздік белдігінің көмегімен отыр­ғызып қоюға мүмкіндік беретін арнайы ұстау құрылғысы болмаған кезде, тасымалдауға тыйым салуды көздейтін Жол жүрісі қағидаларының талаптарын сақтамайды.

Жасалған орны бойынша жол апаттарының негізгі бөлігінің 74%-ы, яғни 2 724-і елді мекен­дерде, 635-і халықаралық, рес­публикалық маңызы бар трас­саларда, 318-і облыстық, аудандық маңызы бар жолдарда тір­келді. Көбінесе ЖКО көлік құ­ралдарының соқтығысуынан – 1515, сондай-ақ жаяу жүр­гіншілерді қағып кетуінен 1377 факт орын алды.

Зерттеу нәтижелеріне сәйкес ЖКО-ның 96%-ы жүр­гізу­шілер­дің кінәсінен (3566 факт), оның ішінде 109 алкогольдік немесе есірткілік мас күйде болған. Ең көп өлім жағдайы бүйірден соқтығысу салдарынан жасалған (опат болғандардың жалпы санының 47%-ы). Екінші орында – жаяу жүргіншіні қағып кетумен байланысты жол-көлік оқиғалары (қаза болғандардың жалпы санының 29%-ы) болып табылады. Белгіленген жылдамдықтың артуынан 969 ЖКО орын алған, онда 157 адам қаза тапқан.

Бұрынғыдай жолдардағы апаттардың ең көп саны Алматы қаласына тиесілі – 985 жағдай, ал ең жоғары өлім көрсеткіші Алматы облысында анықталды – 110 адам қаза тапқан. Елор­дада 162 ЖКО, Шымкент қала­сында 102 ЖКО тіркелген.

Апаттардың ең аз саны Сол­түстік Қазақстан – 48 және Маңғыстау – 69 облыстарында тиесілі.

Кейбір жағдайларда жол белгілерімен және жылдамдық өл­шегіштерімен реттелмеген жолдар, сондай-ақ жаяу жүр­гіншілер қозғалысының бақы­лаусыздығы апаттардың себеп­тері болуда.

Сондай-ақ жүр­гізушілердің абайсыздығы мен жол қозғалысы ережелерін бұ­зуы – басты себеп. Аталған фак­тілер бойынша ішкі істер органдары мен облыс әкімдіктері ақпараттандырылып отыр.

Еліміздің жолдары мен кө­шелеріндегі жол апаттары туралы толық ақпаратты Құқықтық статистика және арнайы есепке алу жөніндегі комитетінің «qamqor.gov.kz» сайтының «Ақ­параттық сервис» бөлімінде көруге болады.