Игі іс академик Е.Бөкетов атындағы ҚарМУ-дың тарих факультеті археологтері, «Сарыарқа» археологиялық институтының ғалымдары мен мамандары, «Археологиялық зерттеулер» ЖШС және басқа да ұйым өкілдерінің қатысуымен өткен баспасөз мәслихаты барысында жүзеге асырылды.
«Сарыарқа» археологиялық институтының жетекші ғылыми қызметкері Игорь Кукушкин барлық жәдігердің Талды археологиялық қорығынан алынғанын және олардың басым бөлігі сол маңдағы Ақкезең мен Абылай елді мекендерінен табылғанын айтады.
– Жәдігерлердің ішінде білезіктер, қола моншақтар, тұтас алқалар, мойынтұмарлар түріндегі әйелдердің әшекейлері, сонымен бірге арнайы жапсырмалардың көмегімен жақ-бет алқасына біріктірілген қола жалдар мен айылбастар бар. Әдетте мұндай мойынтұмарлар тоғыз дөңгелек қола айылбастардан тұрады. Әшекейдің ортасында үлкенірегі орналастырылады және олардың бәрі бірдей ою-өрнектермен безендірілген. Экспонаттардың барлығы музей қорына тапсырылды, болашақта оларды көрмелерден көруге болады, – дейді И.Кукушкин.
ҚАРАҒАНДЫ
