Қоғам • 02 Маусым, 2021

Ашық аспан астындағы кітапхана

143 рет көрсетілді

Адамзат баласының қол жеткізген ұлы игіліктерінің бірі – білім қазынасы. Ал кітап – адам баласының санғасырлық ақыл-ойының жемісі, тарихы мен тағылымының алтын сандығы. Осы орайда Байқоңыр ауданы әкімдігінің аппараты 1 маусым – Балаларды қорғау күніне орай игі істің бастамашысы атанып, елордада «ашық аспан астындағы кітапхана» ұйымдастырды.

Жиынға Қазақстан Жазушылар одағы Нұр-Сұлтан қалалық филиалының төр­ағасы Дәулеткерей Кәпұлы, балалар жа­зушылары Толымбек Әбдірайым мен Серік­бол Хасан қатысты. Қаламгерлер кіш­­­кентай оқырмандарды атаулы мерекемен құт­тықтай келе, кітап оқу мәдениетін қа­лып­тастыру, заманауи қазақ әдебиеті та­қы­рыбында өзара ой алмасып, көкейде жүр­ген пікірлерін ортаға салды. Бұл орайда Дәулеткерей Кәпұлы Мәдениет және спорт министрлігі жариялаған биылғы Балалар әдебиеті жылындағы атқарылар қомақты істің алғышарты екенін айта келе, кітап оқуды насихаттау, зияткерлік әлеуетті арттыру бағытындағы жұмыстардың жалғаса беретінін жеткізді.

«Қаламгерлер аллеясы 2019 жылы қыр­күйекте «Тұңғыш Азия ақын-жазушы­ла­ры­ның форумы» қарсаңында Олжас Сүлей­менов, Ұлықбек Есдәулет, Есенғали Рау­шанов, Мархабат Байғұт сынды қа­зақ­тың көр­некті ақын-жазушыларының қа­тысуымен ашылған еді. Нұр-Сұлтан қа­ласы әкім­дігінің ұйытқы болуымен биыл ақын-жазу­шылар 50-дей көшет отырғызды, бұл игілікті шара келешекте де жалғаса береді. Ал мерекеге орай қаламгерлер кітапханасын ашу жоспарланып отыр, бүгінгі жиын сол қадамның алғышарты деуге болады. Мерекеде балалардың кітапқа деген қызығушылығын арттыру мақсатын­да №5 қалалық балалар кітапханасы мен «Фолиант» баспасы балаларға арналған кітап жәрмеңкесін өткізді. Кітапхана әр жұма сайын ашық аспан астында жұмыс істей береді. Сондай-ақ қаламгерлермен кездесу өткізіп, оқырмандарды тарту ойымызда бар. Негізінен қаламгерлермен бет­пе-бет кездесуге жас оқырмандарды тарта отырып, кітап оқу мәдениетін жақсарт­сақ деген ой. Қазақ тілінің мәртебесін көтеру үшін балаларды кітап оқуға баулу ата-ана­ның да, кез келген қаламгердің де қай­рат­керлік танытатын тұсы. Сондықтан қазақ тілінің мәртебесін көтеру, қазақ баласының мәдениетін арттыру бірінші кезекте тұрған мәселе деп есептеймін», деген Дәулеткерей Кәпұлы қаламгерлердің қолдан келгенше атсалысатынын жеткізді.

Жиынға Нұр-Сұлтан қаласы мәсли­ха­тының депутаттары Нұрлан Көпешов, Салтанат Мұқанбетпанқызы, Ләззат Мұрат-
­қызы қатысып, балақайларды мереке­лерімен құттықтап, өз тараптарынан тар­ту-таралғы жасады. «Фолиант» баспа үйі балалар шығармашылығына қатысты баспа туындыларынан арнайы көрме ұйым­дастырып, кітаптар жәрмеңкесін өткізді. Сонымен қатар Нұр-Сұлтан қала­лық Орта­лық­тандырылған кітапханасы қорын­дағы кітаптар көрмесін  кішкентай оқыр­мандар назарына ұсынды.

Аталған іс-шара балақайларға мереке­лік көңіл күй сыйлау үшін Байқоңыр ауданы әкімі аппараты ұйымдастырған көңілді сергіту уақытымен жалғасты. Сон­дай-ақ балаларға тәттілер таратылып, бел­сенді оқушыларға әкімдік тарапынан арнайы сыйлықтар да табыс етілді. Игі ша­ра­ның әрі қарай жалға­сатынына қуанышты екендіктерін жеткізген қала тұрғындары мен мерекелік жиынға қатысқан балалар да, ата-аналар да дән риза.

Тағы бір айта кетерлігі, Байқоңыр аудан­ы әкімі аппаратының бастамасымен ұйым­дастырылған іс-шара алдағы жаз маусымында әр демалыс күндері жалға­сын таппақ. Ондағы мақсат – жазғы демалыс кезінде оқушыларды, студенттерді және аудан тұрғындарын оқуға тарту, уақыт­тарын тиімді өткізу, саябақта жүрген дем­алушыларға ақпарат ұсыну, сонымен қатар кітапханаға тұрақты оқырман ретінде жа­зылуға мүмкіндік жасау. Қаламгерлер аллеясында аспан астындағы кітапханада кө­біне балаларға арналған әдебиеттер, әйгілі жазушылардың поэмалары, шығармалары қойылмақ.

Соңғы жаңалықтар

«Шыңырау» шыңға шықсын

Өнер • Бүгін, 00:18

Тың тәсілдердің тиімді тұсы көп

Медицина • Бүгін, 00:14

Чилидің Шолпан жұлдызы

Әдебиет • Кеше

Паспорт

Руханият • Кеше

Жеке пьеса жазуға лайық

Руханият • Кеше

Ана мейірімі

Қоғам • Кеше

Доллар арзандады

Қаржы • Кеше

Ұқсас жаңалықтар