Елорда • 03 Маусым, 2021

Елорда әуежайы 2022 жылы жабылады

283 рет көрсетілді

Нұр-Сұлтан әуежайында 2022 жылдың жазында жөндеу жұмыстары жүргізіледі. Рейстер Көкшетау мен Қарағандыдан ұшырылады, деп хабарлайды Egemen.kz.

2022 жылы елорданың әуежайында ұшу-қону жолағын толық қайта жаңарту жоспарлануда.

«Келесі жылы біз 2004 жылы салынған және жөндеуді қажет ететін жолақты толығымен қайта жаңартуды жоспарлап отырмыз. Қазір бұл жолаққа тек 35% жүктеме түсіп тұр. Біз 2027-2028 жылдарға қарай өткізу қабілетін ұлғайтуды талап ететін ағын деңгейіне жетеміз деп күтеміз және екінші ұшу-қону жолағының құрылысы жүргізілмек», деді Нұрсұлтан Назарбаев халықаралық әуежайының атқарушы директоры Дәулет Хамзин.

ҰҚЖ-ны қайта құруға 20 млрд теңгеге жуық қаражат қажет болады. Бұл ақшаға жолақтағы, рульдеу жолдарындағы және перрондағы жабын, сондай-ақ жарық-сигналдық жабдық толығымен ауыстырылады. Жөндеу жұмыстарына байланысты жазда бір жарым ай уақытқа әуежай толығымен жабылады.

«Әуежай қысқа мерзімге жабылған кезде, біз жақын маңдағы Көкшетау мен Қарағанды әуежайларына бірқатар рейстерді бағыттап, жолаушыларды жеткізуді қамтамасыз ету үшін шаттлдарды іске қосуды жоспарлап отырмыз», деді Хамзин.

Соңғы жаңалықтар

Шерхан Мұртазаның үйі

Әдебиет • Кеше

«Жасыл» аймақта екі өңір

Коронавирус • Кеше

Бүгін - Аналар күні

Қазақстан • Кеше

Әлемде эпидахуал қандай?

Әлем • 18 Қыркүйек, 2021

Токио марафоны 2022 жылға шегерілді

Спорт • 18 Қыркүйек, 2021

Алматыда тау бөктері өртеніп жатыр

Аймақтар • 18 Қыркүйек, 2021

Ұқсас жаңалықтар