Қазақстан • 14 Маусым, 2021

Қай елдердің вакцинация анықтамасы Қазақстан аумағында жарамды?

61 рет көрсетілді

ҚР Бас мемлекеттік санитар дәрігері Ерлан Қиясовтың жаңа қаулысына сәйкес, бірқатар елдің азаматтарының вакцинация анықтамалары Қазақстан аумағында жарамды болады, деп хабарлайды Egemen.kz.

Құжатта Венгрия, Таиланд және Моңғолия азаматтарының паспорттары/сертификаттары/вакцинация анықтамалары Қазақстан Республикасының аумағында жарамды деп танылатындығы айтылған.

«Көліктегі санитариялық-эпидемиологиялық бақылау департаменті, санитариялық-эпидемиологиялық бақылау комитетінің аумақтық департаменттері, Қазақстан Республикасының Мемлекеттік шекарасы арқылы автомобиль өткізу пункттеріндегі мемлекеттік кірістер органдарының құрылымдық бөлімшелері осы қаулының 3-тармағында көрсетілген құжаттар болған кезде Венгрия, Таиланд және Моңғолия азаматтарының Қазақстан Республикасының аумағына кіруіне рұқсат етсін», делінген қаулыда.

Соңғы жаңалықтар

Ұқсас жаңалықтар