Күн шығыс елінің өкілдері айтулы додада екінші құрамда өнер көрсеткеніне қарамастан барлық бәсекеде өз қарсыластарынан басым түсті. Топтық турнирде олар Украинаны ұтса, жартылай финалда Ресей құрамасының тас-талқанын шығарды. Ақтық айқаста азиялықтар Францияның балуандарымен шеберлік байқасты. Олар өз кезегінде Нидерланд, Грузия және Өзбекстаның өрендерін жолдарынан ығыстырған еді. Финалдық сайыста Жапония балуандарының қарқыны тым күшті болды. Олар француздарды бет қаратпай ұтып, командалық жарыстың бас жүлдесін олжалады. Ал қола медаль Бразилия мен Өзбекстанның дзюдошыларына бұйырды.
Бұл жарыста Қазақстанның дзюдошылары да өнер көрсеткен еді. Алғашқы айналымда жерлестеріміз бразилтиялықтардан 0:3 есебімен жеңіліп жатқанына қарамастан таразы басын теңестіре алды. Бұл ретте Аңсарбек Ғайнуллин (73 кило), Ерсұлтан Мұзафаров (90 кило) және Мөлдір Нарынованың (70 кило) өз қарсыластарын қапы қалдырды. Бірақ қосымша кездесуде Оңтүстік Америкадан келген оғылдандардың бағы жанды.
