![Өскеменде 70 жыл бұрын салынған жатақхана қирап қалды](/media/2021/06/15/bd89880d45726a3cc51083c650ea61d4_l.jpg)
«Оқиға орнына жедел жеткен құтқарушылар 2 тұрғынды эвакуациялады. 10 азамат сол жерден өз бетімен шығып үлгірген. Кинологиялық қызмет өкілдері Алеся лақап атты иттің көмегімен жатақханада зардап шеккендердің бар-жоғын мұқият тексерді», деп хабарлады ведомство өкілдері.
Белгілі болғандай, қаза болғандар мен зардап шеккендер жоқ. Төбе жабындысының құлаған аумағы шамамен 8 шаршы метрді құраған. Алдын ала мәлімет бойынша үйде 50 адам тұрады. Қазіргі уақытта оқиға орнын полиция қызметкерлері қоршап тастады. Комиссия мүшелері жұмыс жүргізуде.