Осыған орай, Шымкент қаласы мәдениет, тілдерді дамыту және архивтер басқармасының ұйымдастыруымен 15-20 маусым аралығында 52 мерекелік іс-шараны өткізу жоспарланды.
Барлық іс-шара ашық аспан астында өтеді. Шымкенттіктер мен қонақтар үшін қала орталығындағы саябақтарда кітап көрмесі, театрларда тегін қойылымдар, жаңарған, күрделі жөндеуден өткен заманауи кітапханалардың ашылу салтанаты, ашық аспан астындағы түрлі ойын-сауық кештері болады.
Айта кету керек, театр, мәдениет сарайындағы мерекелік қойылымдарға келген көрермендер Ashyq қосымшасы арқылы тексеріліп, ара қашықтықты сақтай отырып тамашалайды. Сонымен бірге іс-шараларды тамашалаушылар антисептик қолданып, бетперде тағуы міндетті.
Мерекелік іс-шаралардың алғашқысы бүгін Әл-Фараби қалалық ғылыми-әмбебап кітапханасында өтті. Жазушы, шежіреші Момбек Әбдіәкімұлының «Шымкент қаласының тарихы» атты жаңа кітабының тұсауы кесілді.
