Туризм • 17 Маусым, 2021

Еуропа туристік маусымға дайын

277 рет

көрсетілді

1 мин

оқу үшін

Жаз басталғалы туристер легі көбейетін Еуропа елдері жаппай вакциналауды күшейтіп, карантин шараларын жеңілдетіп жатыр. ЕО-ға мүше 27 мемлекет шілде айына дейін сапарларға арналған электронды вакциналау сертификатын жасауға ниетті. Бұл сертификат – тегін мобильді қосымша. Онда тұрғындардың COVID-19 вакцинасын алғандығы, жақында тапсырған ПТР сынамалары немесе бұрынғы диагнозы туралы ақпарат сақталады.

Меруерт БҮРКІТБАЕВА

Қазіргі уақытта ЕО ересек тұрғындарының төрттен бір бөлігі толығымен екпе алған. Ал басқа елдерден келетін қонақтар вакцина алғанын растайтын құжат көрсетуі керек. Еуропаның кейбір елдері туристерді қабылдауды бастап та кетті. Мәселен, Испания осы айдың басынан бастап шекарасын ашты. Өзге елдер де біртіндеп қатаң шараларды жеңілдетіп, туристер демалатын орындардың жұмыс уақытын ұзартып жатыр.