![А.Данилина Германиядағы турнирдің ширек финалына шықты](/media/2021/06/21/4ff5255b-d5d1-4476-8f2d-cdec924ad9ac.jpeg)
Анна Данилина ресейлік Варвара Грачевамен бірге бастапқы кездесуін германиялықтар Таисия және Яна Мордергермен өткізді.
Қазақстандық-ресейлік жұп бірінші партияда айқын басымдылық көрсетті – 6:2. Олар екінші сетте де осалдық танытқан жоқ – 6:4.
А.Данилина мен В.Грачева жартылай финалға шығу үшін осы доданың 1-ракеткалары, хорватиялық Дарья Юрак – словениялық Андрея Клепачпен таласады.
Айта кетейік, А.Данилина кеше жекелей сында жапониялық Мисаки Доидан ұтылып қалған еді.