Театр • 22 Маусым, 2021

Қазақстанда қанша театр жұмыс істеп тұр?

30 рет көрсетілді

Мәдениет және спорт вице-министрі Нұрғиса Дәуешовтың сөзінше, 2020 жылы елімізде алғаш рет 5 мәдениет ұйымына Президент Жарлығымен «Ұлттық» мәртебесі берілген, деп жазады Egemen.kz.

Олардың ішінде М. Әуезов атындағы Қазақ мемлекеттік академиялық драма театры, Абай атындағы Қазақ мемлекеттік академиялық опера және балет театры, М.Лермонтов атындағы Мемлекеттік академиялық орыс драма театры бар.

«Бүгінгі күні Қазақстанда 65 театр қызмет атқарады, оның 53-і мемлекеттік театр. Тәуелсіздік жылдары елімізде 22 мемлекеттік театр ашылып, Орал, Қарағанды, Қостанай, Нұр-Сұлтан, Өскемен, Шымкент, Талдықорған, Түркістан қалаларында 9 театрға заманауи жаңа ғимарат салынды. 2020 жылы Нұр-Сұлтан қаласында Музыкалық жас көрермендер театры ашылса, Қалибек Қуанышбаев атындағы мемлекеттік академиялық музыкалық-драма театры республикалық деңгейге өтіп, ұжым жаңа ғимаратқа көшті. Сонымен қатар, Түркі әлемінің астанасы ретінде ресми түрде мойындалған Түркістан қаласында ағымдағы 2021 жылы Түркістан музыкалық-драма театры ашылып,  арнайы салынған жаңа ғимаратта өз жұмысын бастады», деді вице-министр. 

Оның айтуынша, Тәуелсіздіктің 30 жылдығын мерекелеу жөніндегі жалпы республикалық әрбір шара ұлттық мәдениетті ілгерілетуге және дәстүрлерді жаңғыртуға, салауатты өмір салтын насихаттауға бағытталған.

Соңғы жаңалықтар

Елшінің еңбегі мен ерлігі

Тарих • Бүгін, 23:09

Әлімжеттік азайғанымен...

Қазақстан • Бүгін, 22:40

Бір қуантып, бір мұңайтқан сала

Экономика • Бүгін, 21:52

Ақтөбеде қоқыс полигоны өртенді

Аймақтар • Бүгін, 19:58

Туристке де тәртіп бар

Аймақтар • Бүгін, 18:06

Ұқсас жаңалықтар