Аймақтар • 23 Маусым, 2021

Шекарашылар жоғалған баланы тауып берді

465 рет
көрсетілді
1 мин
оқу үшін

14 маусымда Шекара қызметінің ШҚО бойынша департаменті, Зайсан аудандық басқармасы, «Обалы» шекара бөлімшесінің әскери қызметшілеріне Сарытерек ауылының тұрғыны «Қызыл» елді мекенінде жоғалып кеткен 11 жасар Кеңесханды табуға көмектесу туралы өтініш білдірген, деп хабарлайды Egemen.kz.

Шекарашылар жоғалған баланы тауып берді

Баланы ата-аналары өздері іздегенімен нәтижесіз еді. Амал қалмаған соң жергілікті жердің әр соқпағын жақсы білетін шекарашылардың көмегіне жүгінген.

ШҚ әскери қызметшілері Бутч іздестіру итімен екі іздеу тобына бөлініп, жергілікті жердің қатпарларын сүзе бастайды. Жолды шамдармен жарықтандырып, баланы қатты дауыстап шақырады. Іздеу түні бойы жалғасқан. Таңғы сағат 05.30-да Кеңесхан шекарашылардың дауысын естіп, алдарынан шыққан. Баланың айтуынша, ол үйге қайтуға тырысқан, бірақ шаршап, ағаштың түбінде ұйықтап қалған екен.