Қоғам • 28 Маусым, 2021

«Дельта» штамы Алматыда індетті қайта өршіте бастады

33 рет көрсетілді

Бүгін, 28 маусымда Өңірлік коммуникациялар қызметінің алаңында сөйлеген сөзінде Алматының Санитарлық-эпидемиологиялық бақылау департаментінің басшысы Жандарбек Бекшин маусым айында қалада төрт мыңдай адам коронавирус жұқтырғанын мәлімдеді, деп хабарлайды Egemen.kz.

Алматының бас санитарлық дәрігері тұрғындарды эпидемиологтар мен дәрігерлерге жауапкершілікпен қарауға шақырып отыр. Оның айтуынша, қазір санитарлық қауіпсіздік ережелерін сақтау өте маңызды: бетперде тағу, әлеуметтік қашықтықты сақтау, қолды жиі жуу мен вакцина алу.

«Жыл басынан бері Алматыда КВИ-дің 55 101 жағдайы анықталды. Ал маусым айында 3 889 жағдайы тіркелді. Өткен аптада коронавирус дерті 1,7 есе өсті. 742-ден 1237-ге дейін. Соңғы тәулікте КВИ-дің 215 жағдайы тіркелді», деді Ж. Бекшин.

Оның айтуынша, Алматыдағы эпидемиялық жағдай контагиозды мутацияланған «дельта» штамының таралуына байланысты ушыға бастаған.

Эпидемиологтардың айтуынша, ПТР орташа тәуліктік оң нәтижелері 114-тен 188-ге дейін өсті. Соңғы аптада симптомдары бар КВИ-мен ауыратындардың үлес салмағы 32%-дан 53%-ға дейін артты, бұл COVID-19 «дельта» штамының тез тарайтынын көрсетті.

«Вирус жұқтырғандар санының күрт өсуіне байланысты біз мутацияланған штамдарға зерттеу жүргіздік. Нәтижесінде КВИ науқастарынан алынған 131 үлгінің 77 «альфа» британдық штамдар, 46 үлгіде Қазақстан чемпионаты анықталды. Сонымен қатар екі «гамма», оңтүстік африка штамдары мен бір нью-йорк, «бетта» штамы тіркелді. Жалпы эпидемиялық жағдайдың күрделенуі «альфа» штамының таралуынан, ал аурудың артуы Нұр-Сұлтан қаласы мен Ресейден әкелінген «дельта» штамы салдарынан», деді Жандарбек Бекшин.

Алматы қаласының бас санитарлық дәрігері қабылданған шектеу шараларын міндетті түрде орындау қажеттігін айтты. Ж. Бекшиннің айтуынша, жалпы дертті жұқтырмаудың жалғыз жолы – вакцина алу мен санитарлық нормаларды сақтау.

Соңғы жаңалықтар

ТүркПА-ның атауы өзгереді

Парламент • Кеше

Алматы жолдарын су басты

Аймақтар • Кеше

Ұқсас жаңалықтар