Факультеттің 21 түлегі жоғары білім туралы диплом алса, олардың төртеуі үздік құжатқа ие болды. Онлайн форматтағы іс-шараға түлектердің ата-аналары да қатысты. Олар профессорлық-оқытушылық құрамға сапалы білім бергендері үшін алғыс білдіре отырып, бітірушілерге денсаулық және шығармашылық табыс тіледі. Осы ретте оқу орын басшылығы да өз лебіздерін білдірді.
– Құрметті түлектер, сіздерге өзіндік үлгідегі дипломдарды тапсыра отырып, университет жақсы мамандарды даярлағанына кепілдік беретінін айтқым келеді. Бұл құжатпен сіздер еңбек нарығында бәсекеге қабілетті боласыздар, – дедіректор Жасұлан Шаймарданов.
Дипломның ерекшелігі – сәйкестендіру нөмірі бар. Яғни, белгілі бір студентке бекітіліп, ұлттық білім беру деректер базасында сақталады. Ол дегеніміз, кез-келген уақытта дипломның түпнұсқалығын тексеруге мүмкіндік береді.
