Саясат • 30 Маусым, 2021

Ел бірлігі елордадан басталады

23 рет көрсетілді

Қазақстан халқы Нұр-Сұлтан қалалық Ассам­блеясының «Тәуелсіздік. Бірлік. Гүлдену» тақы­рыбындағы XIX сессиясы өтті. Сессия елор­дадағы Достық үйінде бейнебайланыс режімінде ұйымдастырылып, бас шаһарда бұған дейін атқарылған жұмыстар сараланды және алдағы уақытта атқарылатын міндеттер белгіленді.

– Қазақстан тәуелсіздігінің 30 жы­лында елімізде орасан жұмыстар іске асырылып, әлеуметтік-эко­но­микалық дамуымыз еселенді. Бұл ретте Қазақстан халқы Ассам­блеясы мен Қазақстан халқы Нұр-Сұлтан қалалық Ассамблеясының үлесі елеулі екенін зор ілтипатпен айтамыз. Жалпы айтқанда, еліміздегі тұрақтылықтың орнығуына, ынтымақ, бірлік пен берекенің нығаюына Қазақстанның Тұңғыш Президенті – Елбасы Нұрсұлтан Назарбаевтың сіңірген еңбегі ұшан-теңіз. Осы озық даму жолының са­бақ­тастығын сәтті жалғастырып келе жатқан Мемлекет басшысы Қа­сым-Жомарт Тоқаевтың да орасан үлесін лайықты атап өткен жөн, – деді Нұр-Сұлтан қаласының әкімі, қалалық Ассамблеяның төрағасы Алтай Көлгінов.
Қазақстан халқы Ассамблеясы Төр­ағасының орынбасары Марат Әзіл­ханов жиынға қатысушыларға игі лебізін жеткізіп, ортақ мақсатты көздеген істер туралы баяндады.
– Біз Нұр-Сұлтан қаласының этно­мәдени бірлестіктерінің жетекшілерімен әрдайым ерекше ықыласпен жүздесіп келеміз. Сіздер өңірлерге үлгі болатындай қоғамдық келісім мен бірлікті күшейту мақсатында қызмет етіп келесіздер. Өздеріңізге мәлім, Қазақ­станның Тұңғыш Президенті – Елбасы Нұрсұлтан Назарбаевтың тапсырмасымен Қазақстан халқы өңірлік ассамблеялары үшін үлгі­лік модель ретінде Нұр-Сұлтан қала­сының Ассамблеясын 2025 жылға дейін дамыту бағдарламасы бекітіліп, іске асырылуда. Бүгін­гі басқосу астанамыздағы қызме­тіміздің бұдан әрі дамуының мей­лінше өзекті мәселелеріне арналады, – деді Марат Әзілханов.
Сессия жұмысының барысында Нұр-Сұлтан қаласы этномәдени бірлестіктерінің өкілдері өз қыз­меттеріне қатысты атқарылған жұмыстарды баяндады. Сонымен қатар Қазақстан халқы Нұр-Сұл­тан қалалық Ассамблеясы XIX сес­сиясының Үндеуі жарияланды.

Соңғы жаңалықтар

Шерхан Мұртазаның үйі

Әдебиет • Кеше

«Жасыл» аймақта екі өңір

Коронавирус • Кеше

Бүгін - Аналар күні

Қазақстан • Кеше

Әлемде эпидахуал қандай?

Әлем • 18 Қыркүйек, 2021

Токио марафоны 2022 жылға шегерілді

Спорт • 18 Қыркүйек, 2021

Алматыда тау бөктері өртеніп жатыр

Аймақтар • 18 Қыркүйек, 2021

Ұқсас жаңалықтар