Облыстық денсаулық сақтау басқармасы баспасөз қызметінің мәліметінше, 1 ақпан мен 29 маусым аралығында 83 558 адам «Спутник V», «QazVac», «Hayat-Vax» вакциналарының I компонентін салдырған. Вакциналардың II компонентін салдырғандар саны 46 313 адамға жетті.
«Өңірде 29 маусымда 1 697 адам коронавирус инфекциясына қарсы вакциналардың I компонентін алды. Екпе алғандардың арасында 97 педагог, медицина саласының 66, арнайы мекеменің 32, құқық қорғау органдарының 22 өкілі, 24 мемлекеттік қызметші, 23 студент пен 2 полицей бар. Сондай-ақ созылмалы сырқаты бар 100 адам мен 1 331 тұрғын вакцина салдырды», деп хабарлады басқарманың баспасөз қызметі.
