Ел және Елбасы • 06 Шілде, 2021

«Ел және Елбасы» жинағы жарық көрді

137 рет көрсетілді

«Egemen Qazaqstan» кітапханасы» сериясымен «Ел және Елбасы» жинағы жарық көрді. Кітапта кейінгі екі жылда «Egemen Qazaqstan» газетінде жарияланған еліміздің Тұңғыш Президенті – Елбасы Нұрсұлтан Назарбаевтың мемлекет қалыптастырушы ретіндегі тұлғалық, қайраткерлік қырларын кеңінен ашып көрсететін, тәуелсіздік тарихынан сыр шертетін мақалалар мен естеліктер топтастырылған.

Мақала авторлары – Елба­сының тәуелсіз мемлекеттің іргесін қалып­тастыруға атса­лысқан үзеңгілестері, мемлекет және қоғам қайраткерлері. Сон­дай-ақ авторлар арасында шет­елдік мемлекет және қоғам қайраткерлері, журналис­тер мен сарапшылар да бар. Ақпарат және қоғамдық даму министрі Аида Балаева жинаққа жазған алғысөзінде еліміздің отыз жылдағы жетістіктеріне тоқталып, оның бәрі «жас қа­зақ мемлекетінің архитекторы, Қазақстанның Тұңғыш Пре­зиденті – Елбасы Нұрсұлтан Әбішұлы Назарбаевтың ерен еңбе­гінің, жаһандық ауқымдағы қайраткерлік қызметінің мәуелі жемісі» екенін атап өтті.
«Ең бастысы – осы кітап арқылы елдік мұрат жолында бүкіл қызметтік ғұмырын арнап, қаншама ғасыр тарихқа есесі кет­кен бодан елден әлемге аты танылған азат ел, мықты мемлекет жасаған Тұңғыш Президентіміз жайлы адамгершілік пен ақиқатқа құрылған жылы естеліктер жи­нағын ұрпақтар жадына аманат ету», деді министр.
Кітап «Азаттық архитекторы», «Елдіктің еңсесін тіктеген», «Ел­басы және елорда», «Сарабдал саясаткер» атты төрт бөлімнен тұрады.

Соңғы жаңалықтар

Щучинскіде базар өртенді

Оқиға • Бүгін, 09:27

Аң патшасы көбейді

Экология • Бүгін, 07:42

Жер астынан жол шықты

Аймақтар • Бүгін, 07:40

Жеке рекордын жаңартты

Теннис • Бүгін, 07:36

Жаңа бапкер жарылқай ала ма?

Футбол • Бүгін, 07:22

Күйеуінің кітабын сатқан әйел

Әдебиет • Бүгін, 07:20

Журналистика мэтрін еске алды

Егемен Қазақстан • Бүгін, 07:18

Сананы тұрмыс билесе...

Руханият • Бүгін, 07:18

Ұқсас жаңалықтар