Әлем • 06 Шілде, 2021

Ресейде жолаушылар ұшағы құлады

212 рет көрсетілді

Камчаткада жоғалған Ан-26 жолаушылар ұшағының қалдықтары табылды, деп хабарлайды Egemen.kz.

Бұл туралы «Камчатка әуе кәсіпорны» компаниясының бас директоры Алексей Храбров мәлімдеді.

«Иә, ұшақ қалдықтары табылды. Қай жерде және қандай жағдайда табылғанын айта алмаймын. Оқиға орнына таңертең ұшақ пен тікұшақ ұшып барады» деді ол.

РФ Төтенше жағдайлар министрлігінің мәлімдеуінше, ұшақ әуежайдан 3,8 шақырым қашықтықтан, Палана деген елдімекенге жақын маңнан табылған. Апат болған жерге 26 құтқарушы бара жатыр.

Ұшақ енді қонуға беталғанда жартасқа соғылып, Охот теңізіне құлап кеткен. Ештеңе көрінбейтін ауа райы жағдайында, бүйірден жел соғып тұрғанда қонуға тырысқан ұшқыш жартасты байқамай қалған.

Айта кетейік, ұшақта 22 жолаушы мен 6 экпипаж мүшесі болған. Аман қалғандар жоқ.

Соңғы жаңалықтар

Доллар қымбаттады

Қаржы • Бүгін, 15:55

Киногерлер ағаш отырғызды

Қоғам • Бүгін, 09:17

Ұқсас жаңалықтар