Аймағымызда тұрғын үй-коммуналдық шаруашылығын жаңғырту шарасы жүргізіле бастағанына қуанып қалған едік. Мәселен, бұл бағдарлама бойынша үйлерді жөндеуге жергілікті бюджеттен қаражат бөлінуі қарастырылуы, оның бір бөлігін тұрғындар толтыруы мәселені шешуге септік етеріне сенгенбіз.
Аймағымызда тұрғын үй-коммуналдық шаруашылығын жаңғырту шарасы жүргізіле бастағанына қуанып қалған едік. Мәселен, бұл бағдарлама бойынша үйлерді жөндеуге жергілікті бюджеттен қаражат бөлінуі қарастырылуы, оның бір бөлігін тұрғындар толтыруы мәселені шешуге септік етеріне сенгенбіз. Қанша айтқанмен, сенім азайған ПИК-терден гөрі әкімдіктердің бақылауы арқылы тапсырысты нақты орындаушылардың іске тартылуы оң өзгеріс көрінген. Алайда, қадағалау қатаң болмайынша мұнда да шала-шарпы жұмыстар, пайдакүнемдік орын алғандығын былтыр қаламыздағы Жамбыл көшесі бойындағы 67-үйге кең көлемді жөндеу жұмыстары жүргізілу барысында байқалып қалды. Сол үшін бөлінген 40 миллион теңгенің шындығын айтқанда, үйдің барлық жағынан жаңаруына пайдасы шамалы болды. Оның қалалық әкімдікке қараған жағының ғана сырты әдемі материалмен қапталып, жарқыраса, сырт көзге түсіңкіремейтін тұстары сол қалпында қалды. Ең өкініштісі, жертөле, жылу, ауызсу құбырлары толық тазартылмай, сапалы жөнделмеген қалпында қалды. Мұндай шалағай істер 1 а шағын ауданындағы 16 және 17-үйлерде де орын алды. Білуімізше, 2016 жылға дейін облыс қалаларында 544 үй жоғарыдағы бағдарлама бойынша жаңарған қалыпқа келтірілмек көрінеді. Сондықтан оны іске асырушыларға талапты күшейту қажет.
Александр Ширянкин,
Саран қаласының тұрғыны.
Қарағанды облысы.
